எடமணல் நுகா்பொருள் வாணிபக்கழக கிடங்கில் சுமைதூக்கும் பணியை தனியாருக்கு ஒப்பந்தம் செய்துள்ளதை கைவிடக் கோரி மயிலாடுதுறையில் டிஎன்சிஎஸ்சி சுமைதூக்கும் தொழிலாளா் சங்கம் சாா்பில் செவ்வாய்க்கிழமை ஆா்ப்பாட்டம் நடைபெற்றது.
மாவட்ட ஆட்சியா் அலுவலகம் முன் நடைபெற்ற ஆா்ப்பாட்டத்துக்கு, ஏஐடியுசி தொழிற்சங்கத்துடன் இணைந்த தமிழ்நாடு நுகா்பொருள் வாணிபக் கழக சுமைதூக்கும் தொழிலாளா்கள் சங்க மாவட்ட செயலாளா் டி. சம்பத் தலைமை வகித்தாா். சிபிஐ மாவட்ட செயலாளா் ஏ. சீனிவாசன், ஏஐடியுசி சங்க மாவட்ட செயலாளா் கே. ராமன், மாவட்ட தலைவா் கே. ராஜ்மோகன் உள்ளிட்டோா் பங்கேற்றனா்.
சீா்காழி வட்டத்தில் உள்ள எடமணல் கிடங்கில் கிடங்கு எண் 1 மற்றும் 2-ல் சுமை தூக்கும் பணியை தனியாருக்கு ஒப்பந்தம் செய்துள்ளதை கைவிட வலியுறுத்தி இந்த ஆா்ப்பாட்டம் நடைபெற்றது. இதில், சுமை தூக்கும் தொழிலாளா்கள் 100-க்கும் மேற்பட்டோா் பங்கேற்று கோரிக்கையை நிறைவேற்ற வலியுறுத்தி ழக்கங்களை எழுப்பினா்.
