மூத்த பத்திரிகையாளரைத் தாக்கி தங்கச் சங்கிலி பறிப்பு: நொய்டா பூங்காவில் சம்பவம்

நமது நிருபா்

தேசியத் தலைநகா் வலயம், நொய்டாவின் செக்டாா் 62-இல் உள்ள ஒரு பொது பூங்காவில் மாலை நடைப்பயிற்சிக் சென்ற மூத்த பத்திரிகையாளரை அடையாளம் தெரியாத மூன்று போ் தாக்கி தங்கச் சங்கிலியைப் பறித்துச் சென்றனா்.

நொய்டா செக்டாா் 62-இல் வசிக்கும் பத்திரிகையாளா் வி.எஸ். சந்திரசேகா், தனது வீட்டுக்கு அருகிலுள்ள பூங்காவில் தனது வழக்கமான நடைப்பயிற்சிக்கு திங்கள்கிழமை மாலை 5.30 மணியளவில் சென்றிருந்தாா். அப்போது, இந்த சம்பவம் நடந்தது.

இதுகுறித்து செக்டாா் 58 காவல் நிலையத்தில் சந்திரசேகா் எழுத்துபூா்வ புகாா் அளித்துள்ளாா். அதில், பூங்காவின் சுற்றுப் பாதை அருகிலுள்ள நடைபாதையில் நடந்து சென்றுகொண்டிருந்தேன். அப்போது,

திடீரென்று, மூன்று போ் என்னைப் பின்னால் இருந்து தாக்கி தரையில் தள்ளினா். நான் எதிா்க்க முயன்றேன். ஆனால் ,அதற்குள் அவா்கள் என் தங்கச் சங்கிலியை அறுத்துக்கொண்டு ஓடிவிட்டனா்.

அதன் மதிப்பு சுமாா் 1.50 லட்சம் ரூபாய் ஆகும். நான் தாக்குதல் நடத்தியவா்களைத் துரத்த முயன்றபோது, பூங்காவிற்கு வெளியே இருந்த ஒருவா், அவா்கள் ஒரு ஆட்டோவில் தப்பிச் சென்றுவிட்டதாக என்னிடம் தெரிவித்தாா். குற்றவாளிகள் மீது கடுமையான நடவடிக்கை எடுக்க வேண்டும் என்று அதில் தெரிவித்துள்ளாா்.

இது தொடா்பாக எப்ஐஆா் இன்னும் பதிவு செய்யப்படவில்லை என்றாலும், புகாா் பெறப்பட்டு நடவடிக்கை எடுக்கப்பட்டு வருவதாக உள்ளூா் காவல் அதிகாரி ஒருவா் தெரிவித்தாா்.

திங்கள்கிழமை மாலை காவல்துறையினா் சம்பவ இடத்தில் ஆய்வு நடத்தினா். முதற்கட்ட விசாரணையின் போது, பூங்காவைச் சுற்றியுள்ள சாலைகளில் நிறுவப்பட்ட பெரும்பாலான சிசிடிவி கேமராக்கள் செயல்படவில்லை என்பதை போலீஸாா் கண்டறிந்தனா். இது தொடா்பாக மேலும் விசாரணை நடைபெற்று வருகிறது. செவ்வாய்க்கிழமை, குற்றவாளிகளை அடையாளம் காண காவல்துறையினா் தங்கள் விசாரணையைத் தொடா்ந்தனா்.