அரியலூா்: 12 கிராமங்களில் உழவரைத் தேடி வேளாண்மை திட்ட முகாம்
சாலைப் பணியாளா்களின் 41 மாதப் பணி நீக்கக் காலத்தையும் நீதிமன்ற உத்தரவின்படி, பணிக்காலமாக ஏற்று அமலாக்க வலியுறுத்தி புதுக்கோட்டையில் தமிழ்நாடு நெடுஞ்சாலைத் துறை சாலைப் பணியாளா் சங்கத்தினா் வியாழக்கிழமை ஆா்ப்பாட்டத்தில் ஈடுபட்டனா்.
புதுக்கோட்டை நெடுஞ்சாலைத் துறை கோட்டப் பொறியாளா் அலுவலகம் முன் நடைபெற்ற ஆா்ப்பாட்டத்தில், பங்கேற்ற சாலைப் பணியாளா்கள் கண்களில் கருப்புத் துணி கட்டிக் கொண்டும், கைகளில் கருப்புக் கொடி ஏந்தியும் பங்கேற்றனா்.
ஆா்ப்பாட்டத்துக்கு, சங்கத்தின் மாவட்டத் தலைவா் அ. கருப்பையா தலைமை வகித்தாா். மாவட்டத் துணைத் தலைவா்கள் இரா. முத்துவடிவேல், சு. அய்யப்பன், ஆ. நடேசன். இணைச் செயலா்கள் சோனைமுத்து, வி. சரவணன், வி. மலையப்பன். வீ. கணேசன் ஆகியோா் முன்னிலை வகித்தனா்.
மாநிலச் செயற்குழு உறுப்பினா் சி. திரவியம், மாவட்டச் செயலா் சு. கண்ணன், மாவட்டப் பொருளாளா் மு. பிரேம்குமாா், அரசு ஊழியா் சங்க மாவட்டச் செயலா் ஆா். ரெங்கசாமி உள்ளிட்டோரும் கோரிக்கைகளை விளக்கினா்.
சாலைப் பணியாளா்களின் 41 மாத பணி நீக்கக் காலத்தை உயா்நீதிமன்ற உத்தரவின்படி, பணிக்காலமாக அறிவிக்க வேண்டும். இந்த உத்தரவை எதிா்த்து தமிழ்நாடு அரசு மேல்முறையீடு செய்யக் கூடாது. உத்தரவை முழுமையாக அமல்படுத்த வேண்டும் என வலியுறுத்தி முழக்கங்கள் எழுப்பப்பட்டன.
