உலக நாகரிகத்தின் தொட்டில்.! இந்தியாவின் முதல் `ஆன் சைட் மியூசியம்' ஆதிச்சநல்லூர்...
சா்வதேச தரத்தை ஒப்பிடுகையில் இந்தியாவில் தயாரிக்கப்படும் பொம்மைகள் உயா்தரத்தில் இருப்பதாக இந்திய தர நிா்ணய ஆணைய (பிஐஎஸ்) அதிகாரி ஒருவா் தெரிவித்தாா்.
இதன் காரணமாக உலகளவில் இந்திய உள்நாட்டு வியாபாரிகளின் பொம்மை ஏற்றுமதி அதிகரிக்கும் எனவும் அவா் தெரிவித்தாா்.
இந்திய பொம்மைகளுக்கான பல்வேறு பாதுகாப்புக் காரணிகளை உள்ளடக்கிய தரநிா்ணய அறிக்கையை பிஐஎஸ் வெளியிட்டது. உலகளவில் பொம்மைகள் தயாரிப்புக்கான ஐஎஸ்ஓ மற்றும் இசிஇ தரநிா்ணயங்களை அடிப்படையாகக் கொண்டு இந்த அறிக்கை வெளியிடப்பட்டது.
தரநிா்ணய விதிகள்: இதை முறையாக அமல்படுத்தும் நோக்கில் பொம்மைகள் (தரக் கட்டுப்பாடு உத்தரவு), 2020-ஐ தொழிற்சாலை மற்றும் உள்நாட்டு வா்த்தக ஊக்குவிப்புத் துறை (டிபிஐஐடி) பிறப்பித்தது. இது 2021, ஜன.1 முதல் அமலுக்கு வந்தது.
இந்த உத்தரவின்படி இந்தியாவில் விற்பனை செய்யப்படும் அனைத்து பொம்மைகளும் , அவை உள்நாட்டில் தயாரிக்கப்பட்டாலும் அல்லது இறக்குமதி செய்யப்பட்டிருந்தாலும் 7 வகையான இந்திய தர நிா்ணயங்களைப் பின்பற்றி இருக்க வேண்டும். மேலும், உரிய பிஐஎஸ் உரிமத்தின்கீழ் பொம்மைகளில் ஐஎஸ்ஐ முத்திரை இடம்பெற்றிருக்க வேண்டும். இந்த உத்தரவை முறையாகப் பின்பற்றாமல் பொம்மைகள் தயாரிப்பு, இறக்குமதி, விநியோகம், விற்பனை மற்றும் காட்சிப்படுத்த தடை விதிக்கப்பட்டுள்ளது.
உயா்தரத்தில் இந்திய பொம்மைகள்: இந்திய பொம்மைகளின் தரம் குறித்து மும்பையில் உள்ள மேற்கு பிராந்திய பிஐஎஸ் அலுவலக ஆய்வக இயக்குநா் அத்புத் சிங் கூறியதாவது:
சா்வதேச தரத்தை ஒப்பிடுகையில் இந்தியாவில் தயாரிக்கப்படும் பொம்மைகள் உயா்தரத்தில் உள்ளது. பிஐஎஸ் தரநிா்ணய சான்றுகளால் உள்நாட்டுக்குள்ளும் வெளிநாடுகளிலும் இந்திய பொம்மை விற்பனை அதிகரித்துள்ளது. இங்கு செய்யப்படும் பொம்மைகள் ரசாயன பாதிப்புகள், கூா்மையான முனைப்பகுதிகள் போன்ற பாதிப்புகளில் இருந்து தடுக்கும் வகையில் உள்ளன.
உள்நாட்டுத் தேவைகள் மற்றும் நமது பருவநிலையை கருத்தில்கொண்டு இந்திய பொம்மைகள் தயாரிக்கப்படுகின்றன என்றாா்.
1,640 பொம்மை தொழிற்சாலைகள்
உலக வா்த்தக ஆய்வு நிறுவன (ஜிடிஆா்ஐ) அறிக்கையின்படி இந்திய பொம்மைகள் ஏற்றுமதியின் மதிப்பு 2022-23-இல் ரூ.1,373 கோடியாக இருந்த நிலையில், 2023-24-இல் ரூ.1,313 கோடியாக குறைந்துள்ளதாக தெரிவிக்கப்பட்டுள்ளது. அதேபோல் இந்தியாவில் 1,640 பிஐஎஸ்-சான்று பெற்ற பொம்மை தொழிற்சாலைகள் உள்ளதாக அண்மைத் தரவுகளில் குறிப்பிடப்பட்டுள்ளன. இதில் மின்னணு சாா்ந்த பொம்மை தயாரிப்புக்கு 1,165 தொழிற்சாலைகளும், மின்னணு சாராத பொம்மை தயாரிப்புக்கு 475 தொழிற்சாலைகளும் உரிமம் பெற்றுள்ளது குறிப்பிடத்தக்கது.
