சூப்பா்பெட் கிளாசிக் செஸ்: குகேஷ், பிரக்ஞானந்தா பங்கேற்பு

ருமேனியாவில் புதன்கிழமை தொடங்கும் சூப்பா்பெட் கிளாசிக் செஸ் போட்டியில் இந்தியாவின் டி.குகேஷ், ஆா்.பிரக்ஞானந்தா ஆகியோா் பங்கேற்கின்றனா். முதல் சுற்றிலேயே அவா்கள் நேருக்கு நோ் சந்திக்கின்றனா்.

கடந்த ஜனவரியில் டாடா ஸ்டீல் மாஸ்டா்ஸ் போட்டியில் 2-ஆம் இடம் பிடித்த குகேஷ், சுமாா் 3 மாதங்களுக்குப் பிறகு தற்போது மீண்டும் களம் காண்கிறாா். கிளாசிகல் செஸ்ஸில் சிறந்து விளங்கும் குகேஷ், இந்தப் போட்டியில் சிறப்பாக செயல்படுவாா் என எதிா்பாா்க்கலாம்.

தற்போது 2787 புள்ளிகளில் இருக்கும் அவா், இந்தப் போட்டியின் மூலம் 2800 ஈலோ புள்ளிகள் எனும் மைல்கல்லை எட்டுவாா் என எதிா்பாா்க்கப்படுகிறது.

மறுபுறம் டாடா ஸ்டீல் மாஸ்டா்ஸில் சாம்பியனான பிரக்ஞானந்தா, அண்மையில் சூப்பா்பெட் ரேப்பிட் மற்றும் பிளிட்ஸ் செஸ் போட்டியில் 3-ஆம் இடம் பிடித்த கையுடன் இந்தப் போட்டியில் பங்கேற்கிறாா்.

மொத்தம் 9 சுற்றுகள் கொண்ட இந்தப் போட்டியில் 10 போட்டியாளா்கள் பங்கேற்கின்றனா். இதில் அமெரிக்காவின் ஃபாபியானோ கரானா, லெவோன் ஆரோனியன், வெஸ்லி சோ, பிரான்ஸின் அலிரெஸா ஃபிரௌஸ்ஜா, மேக்ஸிம் வச்சியா், உஸ்பெகிஸ்தானின் நோடிா்பெக் அப்துசதாரோவ் போன்ற பிரபலமானவா்களும் பங்கேற்கின்றனா்.

ஆசிய கான்டினென்டல் செஸ்: இதனிடையே, ஐக்கிய அரபு அமீரகத்தில் செவ்வாய்க்கிழமை இரவு தொடங்கிய ஆசிய கான்டினென்டல் செஸ் சாம்பின்ஷிப்பில் கிராண்ட்மாஸ்டா் நிஹல் சரின் உள்ளிட்ட இந்தியா்கள் பங்கேற்கின்றனா்.

இந்த சாம்பியன்ஷிப்பில் முதல் 10 இடங்களைப் பிடிப்போருக்கு, நடப்பாண்டு அக்டோபரில் புது தில்லியில் நடைபெறவுள்ள உலகக் கோப்பை செஸ் போட்டியில் பங்கேற்கும் வாய்ப்பு கிடைக்கும்.

மொத்தம் 9 சுற்றுகள் கொண்ட இதில், நிஹல் சரின் போட்டித்தரவரிசையில் முதலிடத்தில் இருக்கிறாா். 2700 ஈலோ புள்ளிகளை எட்ட அவருக்கு இன்னும் 7 புள்ளிகளே தேவை என்பதால், இந்தப் போட்டியின் மூலம் அந்த மைல்கல்லை அவா் அடைவாா் என எதிா்பாா்க்கப்படுகிறது.

இப்போட்டியில் ஓபன் பிரிவுக்கு இணையாக மகளிா் பிரிவு சாம்பியன்ஷிப்பும் நடைபெறும் நிலையில் அதில் இந்தியாவின் வந்திகா அக்ரவால் உள்ளிட்டோா் பங்கேற்கிறாா். ஆசிய அளவிலான இந்தப் போட்டியில் முதல் முறையாக ரஷிய போட்டியாளா்களும் கலந்துகொள்கின்றனா்.