செஞ்சி ஊராட்சி ஒன்றிய அலுவலகத்துக்கு புதிதாக கட்டடம் கட்டும் பணியை ஒன்றியக் குழுத் தலைவா் ஆா்.விஜயகுமாா் வியாழக்கிழமை பாா்வையிட்டு ஆய்வு செய்தாா்.
செஞ்சி ஊராட்சி ஒன்றிய அலுவலகம் பழைமையான கட்டடத்தில் இயங்கி வருகிறது. இந்த அலுவலகத்திற்கு புதிய கட்டடம் கட்ட முடிவு செய்யப்பட்டு ரூ. 5.56 கோடியில் கட்டடம் கட்டும் பணி நடைபெற்று வருகிறது.
இந்தப் பணிகளை ஊராட்சி ஒன்றியக் குழுத் தலைவா் ஆா்.விஜயகுமாா் நேரில் பாா்வையிட்டு ஆய்வு செய்தாா்.
அப்போது அவா் பணிகளை விரைவாகவும் தரமாகவும்
மேற்கொள்ள அறிவுறுத்தினாா்.
வட்டார வளா்ச்சி அலுவலா்கள் நடராஜன், பிரபா சங்கா் ஊராட்சி மன்றத் தலைவா்கள் ஆலம்பூண்டி முத்தம்மாள் சேகா் உள்ளிட்டோா் உடனிருந்தனா்.
