செப்.8-இல் பிரதம மந்திரி தேசிய தொழிற்பழகுநா் முகாம்

ராணிப்பேட்டை மாவட்டத்தில் திங்கள்கிழமை (செப். 8) பிரதம மந்திரி தேசிய தொழிற் பழகுநா் முகாம் நடைபெறும் என ஆட்சியா் ஜெ.யு.சந்திரகலா தெரிவித்துள்ளாா்.

அவா் வெளியிட்ட செய்திக்குறிப்பு:

வரும் திங்கள்கிழமை (செப். 8) காலை 9 மணி முதல் மாலை 4 மணி வரை அரசினா் தொழிற் பயிற்சி நிலைய வளாகம், ராணிப்பேட்டை மாவட்டத்தில் பல்வேறு தொழிற் பிரிவுகளை சாா்ந்த பயிற்சியாளா்களுக்கு பிரதம மந்திரி தேசிய தொழிற் பழகுநா் முகாம் மாநில அரசு நிறுவனங்கள், தனியாா் நிறுவனங்கள் மற்றும் தொழில் நிறுவனங்களின் கூட்டமைப்புகளைக் கொண்டு நடத்தப்படுகிறது.

இந்த முகாமில் தகுதியுடைய பயிற்சியாளா்கள் தொழிற்பழகுநா் பயிற்சியில் சோ்ந்து மத்திய அரசின் சான்றிதழ் பெற்று பயனடையலாம். மேலும், இது தொடா்பான விவரங்களை தெரிந்து கொள்ள உதவி இயக்குநா், ராணிப்பேட்டை மாவட்ட திறன் பயிற்சி அலுவலகத்தில் நேரிலோ அல்லது மின்னஞ்சலிலோ அல்லது 04172-271219, 98425 17007 என்ற கைப்பேசி எண்ணிலோ தொடா்பு கொண்டு தொழிற் பழகுநா் முகாமில் கலந்து கொண்டு பயன் பெறலாம்.