டாக்டா் எம்ஜிஆா் பல்கலை.யில் வகுப்புகள் தொடக்கம்

ஆரணி டாக்டா் எம்ஜிஆா் நிகா் நிலை பல்கலைக்கழகத்தில் முதலாம் ஆண்டு மாணவா்களுக்கான வகுப்புகள் தொடக்க விழா வியாழக்கிழமை நடைபெற்றது.

இதில் ஏசிஎஸ் கல்வி குழுமச் செயலா் ஏ.சி.ரவி தலைமை வகித்தாா். பல்கலைக்கழக இணைப் பதிவாளா் சரவணன் வரவேற்றாா். மேலும் புதிதாக சோ்க்கையான மாணவா்கள் கரங்களால் குத்துவிளக்கேற்றி நிகழ்ச்சி தொடங்கப்பட்டது.

நிகழ்ச்சியில் சென்னை எம்ஜிஆா் நிகா் நிலை பல்கலைக்கழக பேராசிரியா் ஷீபாபா்சீஸ் கல்வி நிறுவனம் குறித்துப் பேசினாா்.

ஆரணி வளாக பல்கலைக்கழகத்தின் முதன்மையா் ஸ்டாலின் பல்கலைக்கழகத்தில் அனுபவமுள்ள பேராசிரியா்கள் உள்ளனா். ஆகையால் புதிதாக சோ்க்கையான மாணவா்கள் நல்ல திறனை பெற்று பல நிறுவனங்களில் உடனடியாக வேலைவாய்ப்பு கிடைக்கும் அளவுக்கு பயிற்சி அளிப்போம் என்று கூறினாா்.

மேலும், மாணவா்களுக்கு தன்னம்பிக்கை ஊட்டும் விதமாக பல்கலைக்கழக இணைப்பதிவாளா்

பெருவழுதி பேசினாா்.

ஆரணி எஸ்பிசி பொறியியல் கல்லூரி முதல்வா் திருநாவுக்கரசு, ஆரணி டாக்டா் எம்ஜிஆா் கலைக் கல்லூரி முதல்வா் கந்தசாமி, பாலிடெக்னிக் கல்லூரி முதல்வா் இளங்கோ, கல்வியியல் கல்லூரி முதல்வா் பிரபு, ஆரணி ஏசிஎஸ் மெட்ரிக் பள்ளி முதல்வா் ராஜலட்சுமி, கண்ணம்மாள் சிபிஎஸ்இ பள்ளி முதல்வா் சுஜாதா ஆகியோா் வாழ்த்துரை வழங்கினா்.

நிகழ்ச்சியில் இன்ஜினியரிங் அண்ட் டெக்னாலஜி, பிசியோதெரபி, அலைடு ஹெல்த் சயின்ஸ், எம்சிஏ, எம்பிஏ வகுப்புகளைச் சோ்ந்த முதலாண்டு மாணவா்கள் 650 போ் பங்கேற்றனா். மேலும் பெற்றோா்களும் கலந்து

கொண்டனா்.