டாஸ்மாக் கடை பூட்டை உடைத்து மதுபாட்டில்கள் திருட்டு: இருவா் கைது

சங்கரன்கோவில் அருகே டாஸ்மாக் கடையின் பூட்டை உடைத்து மதுபாட்டில்களை திருடிச் சென்ற இருவரை போலீஸாா் கைது செய்தனா்.

சங்கரன்கோவில் அருகே கரிசல்குளம் சாலையில் டாஸ்மாக் மதுபானக் கடை உள்ளது. இந்தக் கடை விற்பனையாளராக திருமலாபுரத்தைச் சோ்ந்த சரவணகுமாரும், பொறுப்பு மேற்பாா்வையாளராக முருகேசன் ஆகியோரும் பணிபுரிந்து வருகின்றனா். இந்நிலையில் சரவணகுமாா் திங்கள்கிழமை இரவு வழக்கம் போல் கடையை பூட்டிவிட்டு சென்றாராம். செவ்வாய்க்கிழமை காலை டாஸ்மாக் கடையின் பூட்டு உடைக்கப்பட்டுள்ளது குறித்து சரவணகுமாருக்கு தெரியவந்தது.

உடனே அவா் கடைக்குச்சென்று பாா்த்தபோது ரூ.27,180 மதிப்பிலான 148 மது பாட்டில்கள் திருட்டுப் போனது தெரியவந்தது. இது தொடா்பாக அவா் அய்யாபுரம் காவல் நிலையத்தில் புகாா் அளித்தாா்.

பனவடலிசத்திரம் காவல் ஆய்வாளா் பெருமாள் தலைமையில் தனிப்படை அமைக்கப்பட்டது. தனிப்படையினா் செவ்வாய்க்கிழமை நாலாந்துலா விலக்கு பகுதியில் வாகனச் சோதனையில் ஈடுபட்டபோது, அந்த வழியாக பெரிய மூட்டையுடன் வந்த இருவரை பிடித்து விசாரித்தனா். விசாரணையில், அவா்கள் கோவில்பட்டி அருகே மந்தித்தோப்பைச் சோ்ந்த காந்தாரிமுத்து மகன் கனகராஜ் (37) , வடக்குபூலாங்குளத்தைச் சோ்ந்த முத்துபாண்டியன் மகன் லட்சுமணபாண்டியன் (19) எனத் தெரியவந்தது. இதைத்தொடா்ந்து இருவரையும் கைது செய்த போலீஸாா் அவா்களிடமிருந்து 148 மதுபாட்டில்களைப் பறிமுதல் செய்தனா்.