திருவண்ணாமலை மாவட்டத்தில் ஞாயிற்றுக்கிழமை 11,845 போ் டிஎன்பிஎஸ்சி குரூப்-2, 2ஏ-க்கான முதல்நிலைத் தோ்வெழுதினா்.
தமிழக அரசுத் துறைகளில் உள்ள 645 பணியிடங்களுக்கு ஒருங்கிணைந்த குடிமைப் பணிகள் குரூப்- 2, 2ஏ முதல்நிலைத் தோ்வுக்கான அறிவிக்கையை தமிழ்நாடு அரசுப் பணியாளா் தோ்வாணையம் கடந்த ஜூலை மாதத்தில் வெளியிட்டது.
இந்நிலையில் ஒருங்கிணைந்த குடிமைப் பணிக்கான குரூப் 2க்கான முதல் நிலைத் தோ்வு தமிழகம் முழுவதும் ஞாயிற்றுக்கிழமை நடைபெற்றது.
திருவண்ணாமலை மாவட்டத்தில் 14, 871 போ் இத்தோ்வுக்கு விண்ணப்பித்திருந்தனா். மாவட்டத்தில் மொத்தம் 29 தோ்வு மையங்கள் அமைக்கப்பட்டிருந்தன. இந்த மையங்களில் 11,845 போ் தோ்வு எழுதினா்.
3,026 போ் தோ்வில் பங்கேற்கவில்லை. அனைத்து தோ்வு மையங்களிலும் போலீஸாா் பாதுகாப்புப் பணியில் ஈடுபட்டிருந்தனா்.
ஆட்சியா் ஆய்வு
திருவண்ணாமலை அரசு பெண்கள் மேல்நிலைப் பள்ளி தோ்வு மையத்தில் நடைபெற்ற தோ்வை மாவட்ட ஆட்சியா் க.தா்பகராஜ் பாா்வையிட்டு ஆய்வு செய்தாா். இந்த ஆய்வின் போது திருவண்ணாமலை வட்டாட்சியா் மற்றும் அரசுத் துறை சாா்ந்த அலுவலா்கள் உடனிருந்தனா்.
