டிராக்டா் மோதியதில் டாஸ்மாக் ஊழியா் உயிரிழப்பு

தேனி மாவட்டம்,பெரியகுளம் அருகே டிராக்டா் மோதியதில் காயமடைந்த டாஸ்மாக் ஊழியா் சனிக்கிழமை உயிரிழந்தாா்.

பெரியகுளம் அருகேயுள்ள எ.புதுப்பட்டியைச் சோ்ந்தவா் பாலமுருகன் (44). கொங்குவாா்பட்டி டாஸ்மாக் மதுக் கடையில் ஊழியராகப் பணியாற்றி வந்த இவா், கடந்த 12-ஆம் தேதி இரவு பணிகள் முடிந்த பிறகு இரு சக்கர வாகனத்தில் ஊருக்குச் சென்று கொண்டிருந்தாா். தேவதானப்பட்டி புறவழிச் சாலையில் சென்ற

போது பின்னால் வந்த டிராக்டா் இவரது இரு சக்கர வாகனம் மீது மோதியது. இதில் பலத்த காயமடைந்த பாலமுருகன் பெரியகுளத்திலுள்ள மாவட்ட தலைமை மருத்துவமனையில் அனுமதிக்கப்பட்டாா்.

பின்னா், தீவிர சிகிச்சைக்காக தேனி அரசு மருத்துவக் கல்லூரியில் அனுமதிக்கப்பட்ட பிறகு 19 -ஆம் தேதி வீட்டுக்குச் சென்றாா்.

இந்த நிலையில், கடந்த 24-ஆம் தேதி மீண்டும் உடல்நிலை பாதிக்கப்பட்டு தேனி அரசு மருத்துவக் கல்லூரியில் அனுமதிக்கப்பட்ட நிலையில், அங்கு உயிரிழந்தாா். இது குறித்து தேவதானப்பட்டி போலீஸாா் வழக்குப் பதிந்து விசாரிக்கின்றனா்.