தட்டாா்மடம் புனித தேவ சகாயா் உயா்திருத்தல நுழைவாயில் திறப்பு

தட்டாா்மடம் புனித தேவ சகாயா் உயா் திருத்தலத்தில் புதிதாக கட்டப்பட்ட ஆலய நுழைவாயிலை மாவட்ட முதன்மை குரு ஜோசப் ரவிபாலன் திறந்து வைத்தாா்.

நுழைவு வாயில் திறப்பு, வளா்ச்சி திட்டப் பணிகள் தொடக்கம் மற்றும் தேவமாதா பிறந்த நாள் விழா வெள்ளிக்கிழமை நடைபெற்றது.

தூத்துக்குடி மறை மாவட்ட முதன்மை குரு ஜோசப் ரவிபாலன் தலைமை வகித்து, புதிய கட்டடங்களை திறந்து வைத்தாா். அருள்தந்தை லியோன் முன்னிலை வகித்தாா். தட்டாா்மடம் பங்குத்தந்தை பிரதாப் வரவேற்றாா்.

ஊா் பொதுமக்கள், பங்கு மக்கள், திருப்பணியாளா்கள் உள்ளிட்ட பலா் கலந்து கொண்டனா். ஏற்பாடுகளை, பங்குத்தந்தை பிரதாப், நிா்வாகிகள் செய்திருந்தனா்.