தனலட்சுமி சீனிவாசன் மருத்துவக் கல்லூரியில் தன்வந்த்ரா-2025 கலை விழா இன்று தொடக்கம்

பெரம்பலூா் அருகே சிறுவாச்சூரில் உள்ள தனலட்சுமி சீனிவாசன் மருத்துவக் கல்லூரி மற்றும் மருத்துவமனை வளாகத்தில், தன்வந்த்ரா 2025 கலை விழா வெள்ளிக்கிழமை (ஜூன் 20) தொடங்குகிறது.

இதுகுறித்து, தனலட்சுமி சீனிவாசன் பல்கலைக் கழக வேந்தா் அ. சீனிவாசன் வியாழக்கிழமை வெளியிட்ட அறிக்கை:

தனலட்சுமி சீனிவாசன் மருத்துவக் கல்லூரி, பல் மருத்துவக் கல்லூரி, மருந்தியல் கல்லூரி, செவிலியா் கல்லூரி மற்றும் துணை சுகாதாரக் கல்லூரிகள் இயங்கும் இவ் வளாகத்தில், ஆண்டுதோறும் தன்வந்த்ரா கலை விழா நடத்தப்படுகிறது. அதன்படி, தன்வந்த்ரா 2025 கலை விழா ஜூன் 20, 21 ஆகிய தேதிகளில் நடைபெற உள்ளது. தொடக்க நாளான வெள்ளிக்கிழமை நடைபெறும் கலை விழாவில், பிரபல திரைப்பட நடிகரும், இசையமைப்பாளருமான ஜீ.வி. பிரகாஷ், யூடியூப் பிரபலங்களான கோபி, சுதாகா் மற்றும் தொகுப்பாளா்கள் மிா்ச்சி விஜய், மணிமேகலை ஆகியோா் பங்கேற்க உள்ளனா்.

2-ஆவது நாளாக சனிக்கிழமை நடைபெறும் நிகழ்ச்சியில், திரைப்பட நடிகரும், இசையமைப்பாளருமான விஜய் ஆண்டனி மற்றும் அவரது குழுவினரின் இசை நிகழ்ச்சிகளும், பின்னணி பாடகா்கள் நாராயணன், சந்தோஷ், ஆதி, அய்யனாா், வருஷா, சிரீஷா மற்றும் ரேஷ்மா ஆகியோா் பங்கேற்க உள்ளனா். நிகழ்ச்சி தொகுப்பாளராக அஞ்சனா கலந்துகொள்கிறாா். கலை நிகழ்ச்சிகளில், இக் கல்லூரிகளைச் சோ்ந்த மாணவா்கள் 18 குழுக்களாக பங்கேற்கும் நடன நிகழ்ச்சிகளும் ஏற்பாடு செய்யப்பட்டுள்ளது.