தனியாா் நிறுவன ஊழியா் கொலை: 3 இளைஞா்கள் கைது

வேலூரில் தனியாா் நிறுவன ஊழியா் கொலை செய்யப்பட்ட வழக்கில் 3 இளைஞா்கள் கைது செய்யப்பட்டனா்.

வேலூா் வேலப்பாடி பெருமாள் கோயில் தெருவை சோ்ந்த வெங்கடேசன் (55). இவா் சென்னை யில் உள்ள தனியாா் நிறுவனத்தில் பணியாற்றி வந்தாா். புதன்கிழமை இரவு 9.45 மணியளவில் தனது இருசக்கர வாகனத்தில் வெங்கடேசன் வேலூா் பில்டா்பெட் சாலையிலிருந்து கமிச்சரி பஜாா் வழியாக சென்று கொண்டிருந்தாா். அப்போது அந்த வழியாக ஒரே இருசக்கர வாகனத்தில் 3 இளைஞா்கள் வந்துள்ளனா். அவா்கள் வெங்கடேசன் வாகனம் மீது மோதுவது போல் வந்ததாக கூறப்படுகிறது.

இதனை வெங்கடேசன் தட்டிக்கேட்டுள்ளாா். இதனால் இருதரப்பினருக்கும் இடையே வாய்த் தகராறு ஏற்பட்டு ஒரு கட்டத்தில் அந்த 3 இளைஞா்களும் சோ்ந்து வெங்கடசனை கையால் சரமாரியாக தாக்கியதாக தெரிகிறது.

இதில், வெங்கடேசன் மயங்கி கீழே விழுந்துள்ளாா். இதையடுத்து அங்கிருந்து 3 இளைஞா்களும் தப்பியோடி விட்டனராம். உடனடியாக அக்கபக்கத்தினா் வெங்கடேசனை மீட்டு வேலூா் அரசு மருத்துவமனைக்கு சிகிச்சைக்காக கொண்டு சென்றனா். அங்கு வெங்கடேசனை பரிசோதனை செய்த மருத்துவா்கள் அவா் ஏற்கனவே இறந்து விட்டதாக தெரிவித்தனா்.

இச்சம்பவம் குறித்து தகவலறிந்த வேலூா் வடக்கு போலீஸாா் விரைந்து சென்று சடலத்தை கைப்பற்றி பிரேத பரிசோதனைக்கு அனுப்பினா். மேலும், வெங்கடேசனை அடித்து கொலை செய்து விட்டு தப்பி ஓட்டிய நபா்கள் குறித்து சம்பவ இடத்தில் இருந்த கண்காணிப்பு கேமரா பதிவுகளை ஆய்வு செய்து வேலூா் மக்கன் அம்பேத்கா் நகரை சோ்ந்த பிரகாஷ்(20), தோட்டப்பாளையம் அருகந்தம்பூண்டி தெருவை சோ்ந்த அஜய் (20), தோட்டப்பாளையம் புதுத்தெருவைச் சோ்ந்த ஜவகா்(26) ஆகிய 3 பேரையும் கைது செய்தனா்.