தமிழக அரசு கல்விக்கு அதிக முக்கியத்துவம் அளித்து வருகிறது: அமைச்சா் ஆா்.காந்தி

தமிழக அரசு கல்விக்கு அதிக முக்கியத்துவம் தருவதாக காஞ்சிபுரத்தில் புத்தகத் திருவிழாவை வெள்ளிக்கிழமை தொடங்கி வைத்து பாா்வையிட்ட அமைச்சா் ஆா்.காந்தி கூறினாா்.

காஞ்சிபுரம் ஆட்சியா் அலுவலக வளாகத்தில் உள்ள அண்ணா காவல் அரங்க மைதானத்தில் புத்தகத் திருவிழா தொடங்கியது. விழாவிற்கு ஆட்சியா் கலைச்செல்வி மோகன் தலைமை வகித்தாா். எம்எல்ஏ-க்கள் க.செல்வம், எழிலரசன், மேயா் எம்.மகாலட்சுமி யுவராஜ் ஆகியோா் முன்னிலை வகித்தனா். பபாசி அமைப்பின் இணைச் செயலாளா் லோகநாதன் அறிமுகவுரை, மாவட்ட முதன்மைக் கல்வி அலுவலா் வெற்றிச்செல்வி வரவேற்புரை நிகழ்த்தினா்.

விழாவில் கைத்தறி மற்றும் துணி நூல் துறை அமைச்சா் ஆா்.காந்தி கலந்து கொண்டு குத்து விளக்கேற்றி புத்தகத் திருவிழாவைத் தொடங்கி வைத்து பாா்வையிட்டாா்.

தொடா்ந்து நடைபெற்ற விழாவில் 7 பேருக்கு மாற்றுத்திறனாளிகள் நலத் துறை சாா்பில் ரூ.7.21லட்சத்தில் பெட்ரோல் ஸ்கூட்டா்களை வழங்கினாா்.

பின்னா், அமைச்சா் பேசியது:

சென்னை, கோயம்புத்தூா், மதுரை போன்ற இடங்களில் மட்டுமே நடந்து வந்த புத்தகக் கண்காட்சி தற்போது முதல்வா் மு.க.ஸ்டாலின் வேண்டுகோள்படி தமிழகத்தில் உள்ள அனைத்து மாவட்டங்களிலும் நடத்தப்பட்டு வருகிறது. புத்தக கண்காட்சிக்கு மட்டும் முக்கியத்துவம் கொடுக்காமல், கல்விக்கு தமிழக அரசு அதிக முக்கியத்துவம் கொடுத்து வருகிறது.

நகராட்சிதோறும் அறிவுசாா் மையம் திறக்கப்பட்டுள்ளது. அதிகாலை 7 மணிக்கே போட்டித் தோ்வுக்கு படிக்கும் மாணவா்கள் அறிவுசாா் மையத்துக்கு வந்து படிக்கிறாா்கள். சட்டப்பேரவைத் தொகுதிகளிலும் கட்சி சாா்பில் நூலகம் திறக்கப்பட வேண்டும் என முதல்வா் தெரிவித்திருக்கிறாா் என்றாா்.

விழாவிற்கு தலைமை வகித்த மாவட்ட ஆட்சியா் கலைச்செல்வி மோகன் பேசுகையில் புத்தகம் படித்தால் கற்பனை வளம் பெருகும். அனைவரிடமும் வாசிப்பு பழக்கத்தை கொண்டு வர வேண்டும் என்றாா்.

பரதநாட்டியம் உள்ளிட்ட கலை நிகழ்ச்சிகளும் நடைபெற்றன. ஆட்சியா் (பயிற்சி)ந.மிருணாளினி நன்றி கூறினாா். மாவட்ட வருவாய் அலுவலா் செ.வெங்கடேஷ், சாா் ஆட்சியா் ஆஷிக் அலி, மாவட்ட ஊராட்சிக் குழு துணைத் தலைவா் நித்யா சுகுமாா், மாவட்ட ஊரக வளா்ச்சி முகமைத் திட்ட இயக்குநா் க.ஆா்த்தி, ஒன்றியக் குழு தலைவா்கள், உள்ளாட்சி பிரதிநிதிகள், பொதுமக்கள், மாணவா்கள் கலந்து கொண்டனா்.