தமிழகத்தின் முன்னேற்றத்துக்கு வித்திட்டவா் காமராஜா்: ஆளுநா் ஆா்.என்.ரவி புகழாரம்

நாட்டின் முன்னணி மாநிலங்களில் ஒன்றாக தமிழகம் திகழ்வதற்கு, முன்னாள் முதல்வா் காமராஜரின் தொலைநோக்குப் பாா்வை உள்ளடக்கிய அவரது தலைமைதான் காரணம் என ஆளுநா் ஆா்.என். ரவி புகழாரம் சூட்டினாா்.

காமராஜரின் பிறந்த நாளையொட்டி, சென்னை கிண்டியில் உள்ள அவரது நினைவிடத்தில் சிலைக்கு செவ்வாய்க்கிழமை மாலை அணிவித்து ஆளுநா் மரியாதை செலுத்தினாா்.

இதுகுறித்து ‘எக்ஸ்’ தளத்தில் அவா் வெளியிட்ட பதிவு:

முன்னாள் முதல்வா் காமராஜருக்கு நன்றிப் பெருக்குடன் இந்த தேசம் ஆழ்ந்த மரியாதையை செலுத்துகிறது. கிராமங்களில் பள்ளிகளை நிறுவி கல்வியை உலகளாவியதாக மாற்றினாா். விளிம்புநிலை, பட்டியலின மக்களுக்காக அயராது போராடி சமூக நீதியை முன்னெடுத்தாா்.

புரட்சிகரமான மதிய உணவுத் திட்டத்தைத் தொடங்கியதுடன், நீா்ப்பாசனம், விவசாயிகளை மையமாகக் கொண்ட சீா்திருத்தங்கள், பெரிய தொழில்களுக்கு வலுவான அடித்தளம், சிறு மற்றும் நடுத்தர நிறுவனங்களுக்கான சிறந்த சூழல் அமைப்பு போன்றவற்றையும் உருவாக்கினாா். அவரது தொலைநோக்குப் பாா்வையால் அணைகள், தொழிற்சாலைகள், நிறுவனங்கள் உள்ளிட்ட முக்கிய உள்கட்டமைப்புகள் ஏற்படுத்தப்பட்டன. மேலும், கிராமப்புற வாழ்க்கையை மாற்றியமைக்கும் வகையில் மின்சார சேவைக்கான அணுகலை விரிவுபடுத்தி மாநிலத்தின் பொருளாதார முன்னேற்றத்தைத் தூண்டினாா்.

இன்றைய தமிழகம் இந்தியாவின் முன்னணி மாநிலங்களில் ஒன்றாக உள்ளது. அதற்கு காமராஜரின் தொலைநோக்குப் பாா்வை உள்ளடக்கிய தலைமைதான் காரணம். எளிமை, நோ்மை, பணிவு ஆகியவற்றில் வேரூன்றிய அவரது வாழ்க்கை மற்றும் மரபு வளா்ச்சியடைந்த பாரதத்தை நோக்கி நம்மை வழிநடத்தும் என்று பதிவிட்டுள்ளாா் ஆளுநா்.