பாடாலூரில் ‘சிப்காட்’ தொழிற்பூங்கா அமைக்க திட்டம்! நிலங்கள் பாழாகும் என விவசாயிக...
தமிழக வனத் துறை சாா்பில் மேற்கொள்ளப்பட்ட 2025-ஆம் ஆண்டுக்கான ஒருங்கிணைந்த பறவைகள் கணக்கெடுப்பில் தமிழகத்தில் மொத்தம் 798 பறவை இனங்கள் கட்டறியப்பட்டுள்ளதாகத் தெரிவிக்கப்பட்டுள்ளது.
இது குறித்து வனத் துறை சாா்பில் வெளியிடப்பட்ட செய்திக் குறிப்பு:
பறவை இனப்பன்மையை பாதுகாக்கவும், அவற்றின் வாழ்விடங்களைப் பேணவும், தமிழக அரசு சாா்பில் மாநிலம் முழுவதும் 2,000-க்கும் மேற்பட்ட இடங்களில் ஒருங்கிணைந்த பறவைகள் கணக்கெடுப்புப் பணிகள் 2023-ஆம் ஆண்டு முதல் தொடா்ந்து நடத்தப்பட்டு வருகிறது.
இதன் தொடா்ச்சியாக, நிகழாண்டுக்கான ஒருங்கிணைந்த பறவைகள் கணக்கெடுப்பு 2 கட்டங்களாக நடத்தப்பட்டன. இந்த முறை நடத்தப்பட்ட பறவைகள் கணக்கெடுப்பில், அழிந்து வரும் பறவைகள் மற்றும் இரவு நேர பறவைகளை ஆவணப்படுத்துவதற்கு முக்கியத்துவம் கொடுக்கப்பட்டது.
அதன்படி, இந்தக் கணக்கெடுப்பில், தமிழகத்தில் அழிந்து வரும் 37 பறவை இனங்களில், 26 இனங்கள் பதிவு செய்யப்பட்டுள்ளன. அதேபோல் 17 இரவு நேர பறவை இனங்கள் பதிவு செய்யப்பட்டுள்ளன.
798 இனப்பறவைகள்: இந்நிலையில், 934 இடங்களில் நடத்தப்பட்ட ஈர நிலப் பறவைகள் கணக்கெடுப்பில் 397 பறவை இனங்களைச் சோ்ந்த மொத்தம் 5,52,349 பறவைகள் கணக்கிடப்பட்டுள்ளன.
அவற்றில், 1.13 லட்சம் பறவைகள், இடம்பெயரும் பறவைகள் மற்றும் 49 சதவீத பறவைகள் கடலோர மாவட்டங்களைச் சோ்ந்தவை.
அதேபோல், 1,093 இடங்களில் நடத்தப்பட்ட நிலப்பரப்பு பறவைகள் கணக்கெடுப்பில் 401 பறவை இனங்களைச் சோ்ந்த 2,32,519 பறவைகள் கணக்கிடப்பட்டுள்ளன. அதில், 1,13, 606 பறவைகள் புலம்பெயா்ந்த பறவைகளாக இருந்தன. தமிழகத்தில் மட்டும் மொத்தம் 798 பறவை இனங்கள் கட்டறியப்பட்டுள்ளன எனத் தெரிவிக்கப்பட்டுள்ளது.
