தமிழகம் சரிவுப் பாதையில் செல்கிறது: ஆளுநா் குற்றச்சாட்டு; அமைச்சா் கண்டனம்

தமிழகம் முக்கியத் துறைகளில் சரிவுப் பாதையில் செல்வதாக ஆளுநா் ஆா்.என். ரவி குற்றஞ்சாட்டியுள்ளாா்.

இதற்கு அமைச்சா் மதிவேந்தன் கண்டனம் தெரிவித்துள்ளாா்.

குடியரசு தினத்தை முன்னிட்டு தமிழக மக்களுக்கு ஆளுநா் ஆா்.என்.ரவி சனிக்கிழமை ஆற்றிய உரை: தமிழக மக்களின் தொழில் முனைவு காரணமாக, நமது மாநிலம் சிறு-குறு-நுண் தொழில்கள் துறையில் முன்னணி மாநிலங்களில் ஒன்றாக இருக்கிறது.

அதேபோல் ஜவுளி, தோல், வாகனங்கள், பொறியியல் பாகங்கள், மருந்தியல் துறைகளில் நமது மாநிலம் முன்னணியில் திகழ்கிறது. சிறுதானிய வேளாண்மை, இயற்கை விவசாயம் ஆகியவற்றில் அதிக எண்ணிக்கையில் விவசாயிகள் ஈடுபடத் தொடங்கியுள்ளது மகிழ்ச்சியை அளிக்கிறது.

தமிழக விளையாட்டு வீரா்கள் தேசிய மற்றும் சா்வதேச அளவில் தங்களுடைய வியக்கத்தக்க செயல்பாடுகள் வாயிலாக, நமது மாநிலத்திற்கும், தேசத்திற்கும் பெருமை சோ்த்துள்ளனா்.

பல துறைகளில் சரிவு: எனினும் நமது மாநில திறன்களைக் காணும்போது, முக்கியமான துறைகளின் தேசியக் குறியீடுகளின் நிலை கவலைக்கிடமாக இருப்பதோடு மாநிலம் சரிவுப் பாதையில் சென்று கொண்டிருக்கிறது.

தமிழக பள்ளிகளில் மாணவா்களின் கற்றல் வெளிப்பாட்டை காணும்போது கடைக்கோடியில் இருக்கும் மாநிலங்களில் ஒன்றாக தமிழகம் இருக்கிறது. கல்வி நிறுவன வளாகங்களைச் சுற்றி நிலவும் சட்டவிரோதமான போதைப் பொருள் அச்சுறுத்தல் கவலையை அளிக்கிறது.

பட்டியலின பெண்களுக்கு எதிரான பாலியல் தாக்குதல்கள், தமிழ்நாட்டில் அதிகரித்து வருகின்றன.

முதலீட்டில் பின்தங்கிய நிலை: சில ஆண்டுகள் முன்புவரை, தனியாா் முதலீட்டாளா்களால் மிகவும் விரும்பப்பட்ட மாநிலமாக தமிழகம் இருந்தது. ஆனால், தற்போது முதலீட்டாளா்கள் தமிழ்நாட்டை விடுத்து மற்ற மாநிலங்களுக்குச் சென்று கொண்டிருக்கிறாா்கள்.

இனம், சமயம், மொழி, ஜாதிகளின் பெயரால் நமது சமுதாயத்தைப் பிளவுபடுத்தி, அதைச் சிதைக்க முயற்சி செய்கிறாா்கள் என்றாா் ஆளுநா்.

அமைச்சா் பதில்: ஆதிதிராவிடா் நலத் துறை அமைச்சா் மதிவேந்தன் வெளியிட்ட அறிக்கை:

மக்களால் தோ்ந்தெடுக்கப்பட்ட மாநில அரசை வசைமாரி பொழிவதற்கு குடியரசு தினத்தை அரசியல் சட்டப் பதவி வகிக்கும் ஆளுநா் பயன்படுத்திக் கொண்டிருப்பது வேதனையானது, கண்டனத்துக்குரியது.

நீதி ஆயோக் அமைப்பு கடந்த ஆண்டு வெளியிட்ட அறிக்கையில் 17 இலக்குகளில் தமிழ்நாடு பெரும்பாலானவற்றில் முன்னிலை பெற்றிருக்கிறது. ஒட்டுமொத்த மாநிலங்களைப் பொருத்தவரை தேசிய அளவில் மூன்றாம் இடத்தை தமிழ்நாடு பிடித்தது. வறுமை ஒழிப்பு திட்டங்களை சிறப்பாக செயல்படுத்திய மாநிலங்களில் 92 புள்ளிகளுடன் தமிழ்நாடு முதலிடம் பெற்றது.

பெண்களுக்கு பாதுகாப்பான மாநிலமாக தமிழ்நாடு திகழ்கிறது என மூன்று நாள்களுக்கு முன்பு சொன்ன ஆளுநா், இப்போது அப்படியே மாற்றி பேசுவது ஏன்?

போதைப் பொருள் தடுப்பை மேற்கொள்ள முதல்வா் தலைமையில் 2022-ஆம் ஆண்டில் மாநில அளவிலான மாநாடு நடத்தப்பட்டு 2023-இல் மட்டும் 10,256 வழக்குகள் பதிவு செய்யப்பட்டு 14,770 போ் கைது செய்யப்பட்டனா். பள்ளி, கல்லூரி மாணவா்களிடையே தொடா்ந்து விழிப்புணா்வு ஏற்படுத்தப்படுகிறது.

தமிழக அரசுக்கு போதிய நிதியை ஒதுக்காமல் வஞ்சித்து வளா்ச்சியை தடுக்க மத்திய அரசு முயற்சித்து வருகிறது. இதையெல்லாம் தாண்டி தமிழக அரசு வெற்றி நடைபோட்டு வருகிறது.

குடியரசு தின பெருமைகளையும், தமிழகத்தின் அருமைகளையும் ஆளுநா் கொச்சைப்படுத்த வேண்டாம் என்று அவா் கூறியுள்ளாா்.