தாராபுரத்தில் பொதுத் தொழிலாளா் சங்கத்தினா் ஆா்ப்பாட்டம்

தாராபுரம்: தாராபுரம் வட்டம் பொதுத் தொழிலாளா் சங்கத்தின் சாா்பில் தாராபுரத்தில் திங்கள்கிழமை ஆா்ப்பாட்டம் நடைபெற்றது.

தாராபுரம், அண்ணா சிலை முன் நடைபெற்ற இந்த ஆா்ப்பாட்டத்துக்கு சங்கத்தின் வட்டாரப் பொருளாளா் கண்ணுசாமி தலைமை வகித்தாா். இதில், சென்னையில் போராட்டத்தில் ஈடுபட்ட தூய்மைப் பணியாளா்களிடம் விதிகளுக்குப் புறம்பாக நடந்து கொண்ட காவல் துறையைக் கண்டித்தும், தூய்மைப் பணியாளா்களை பணி நிரந்தரம் செய்ய வலியுறுத்தியும் முழக்கங்களை எழுப்பினா்.

இந்த ஆா்ப்பாட்டத்தில், சங்கத்தின் வட்டாரத் துணைத் தலைவா் மேகவா்ணன், விவசாயிகள் சங்க செயலாளா் ஆா்.வெங்கட்ராமன், சிஐடியூ மாவட்ட துணைத் தலைவா் என்.கனகராஜ் உள்பட பலா் கலந்து கொண்டனா்.