தமிழகத்தில் திமுக கூட்டணிக்கு நிகராக அதிமுக கூட்டணி அமையும் என்றாா் தமிழ் மாநில காங்கிரஸ் கட்சியின் தலைவா் ஜி.கே. வாசன்.
அரியலூா் மாவட்டம், திருமானூரில் ஞாயிற்றுக்கிழமை நடைபெற்ற மறைந்த சுதந்திரப் போராட்டத் தியாகியும், முன்னாள் எம்எல்ஏவுமான டி.கே.சுப்பையா நூற்றாண்டு விழாவுக்குத் தலைமை வகித்த அவா், தனது மாநிலங்களவைத் தொகுதி மேம்பாட்டு நிதியில் திருமானூா் பேருந்து நிலையத்தில் ரூ. 25 லட்சத்தில் அமைக்கப்பட்ட நிழற்குடையை திறந்துவைத்து, சுப்பையா வாழ்க்கை வரலாறு அடங்கிய புத்தகத்தை வெளியிட்டாா்.
அப்போது அவா் பேசுகையில் தியாகி சுப்பையா திருமானூருக்கு கொள்ளிடத்தில் பாலம், கால்நடை மருத்துவமனை, ஊராட்சி ஒன்றிய அலுவலகம், ஆரம்ப சுகாதார நிலையம் உள்ளிட்ட பல்வேறு வளா்ச்சித் திட்டங்களைக் கொண்டு வந்தாா். அவா் வழியில் தாமாகா செயல்படும்.
திமுக கூட்டணிக்கு நிகரான கூட்டணியாக அதிமுக தலைமையிலான கூட்டணி தமிழகத்தில் 2026 தோ்தல் களத்தில், முதல் அணியாகவும் வெற்றி அணியாகவும் அமையும். எந்த அணியில் இருப்பவா்களும் இந்தக் கூட்டணியில் சேரலாம். பல முக்கிய கட்சிகள் எங்களோடு இணையும் என்றாா் அவா். நிகழ்ச்சியில் அக்கட்சியின் மாவட்டத் தலைவா் ஜெயராமன், மாநில செயற்குழு உறுப்பினா்கள் சுதாகா், சுரேஷ், நடராஜன் உள்ளிட்டோா் கலந்து கொண்டனா்.
