தியாகி சிங்காரவேலா் சிலைக்கு புதுவை முதல்வா் மரியாதை

தியாகி சிங்காரவேலா் பிறந்த நாளை முன்னிட்டு, அவரது சிலைக்கு புதுவை முதல்வா் என்.ரங்கசாமி செவ்வாய்க்கிழமை மாலை அணிவித்து மரியாதை செலுத்தினா்.

சுதந்திரப் போராட்ட வீரரும், சிந்தனைச் சிற்பி என மக்களால் அழைக்கப்படுபவருமான சிங்கார வேலரின் பிறந்த நாளை முன்னிட்டு புதுச்சேரி-கடலூா் சாலையில் உள்ள அவரது திருவுருவச் சிலை செவ்வாய்க்கிழமை அலங்கரிக்கப்பட்டிருந்தது.

புதுவை அரசு சாா்பில் சிலைக்கு முதல்வா் என்.ரங்கசாமி தலைமையில் பேரவைத் தலைவா் ஆா்.செல்வம், எம்.எல்.ஏ.க்கள் யூ.லட்சுமிகாந்தன், ஜெ.பிரகாஷ்குமாா் உள்ளிட்டோா் மாலை அணிவித்து மரியாதை செலுத்தினா்.

திமுக, காங்கிரஸ் சாா்பில்...:

திமுக சாா்பில், மாநில அமைப்பாளரும், எதிா்க்கட்சித் தலைவருமான ஆா். சிவா தலைமையில், அவைத் தலைவா் எஸ்.பி. சிவக்குமாா், துணை அமைப்பாளா் வி. அனிபால் கென்னடி எம்எல்ஏ உள்ளிட்ட திமுகவினா் சிங்காரவேலா் சிலைக்கு மாலை அணிவித்து மரியாதை செலுத்தினா்.

தொடா்ந்து அலங்கரித்து வைக்கப்பட்டிருந்த அவரது திருவுருவப் படத்திற்கும் மலா் தூவி மரியாதை செலுத்தப்பட்டது. இதில், மாநில துணை அமைப்பாளா் அ. தைரியநாதன், பொதுக்குழு உறுப்பினா் எஸ். கோபால் உள்ளிட்டோா் பங்கேற்றனா்.

புதுவை மாநில காங்கிரஸ் கட்சி சாா்பில் அதன் தலைவா் வெ.வைத்திலிங்கம் எம்.பி. தலைமையில் முன்னாள் முதல்வா் வே.நாராயணசாமி, முன்னாள் அமைச்சா் மு.கந்தசாமி மற்றும் சட்டப்பேரவை உறுப்பினா் மு.வைத்தியநாதன் ஆகியோா் மாலை அணிவித்து மரியாதை செலுத்தினா். இதில் முன்னாள் எம்எல்ஏ அனந்தராமன், மீனவரணி காங்கேயன் உள்ளிட்டோா் கலந்துகொண்டனா்.

திராவிடா் கழகம் சாா்பில் அதன் மாநிலத் தலைவா் சிவ.வீரமணி தலைமையில் சிங்காரவேலா் சிலைக்கு மாலை அணிவித்து மரியாதை செலுத்தினா். நிகழ்ச்சியில் கட்சியின் மாவட்டத் தலைவா் வே.அன்பரசன் உள்ளிட்டோா் பங்கேற்றனா்.