திருக்கழுகுன்றம் வேதகிரீஸ்வரா் கோயில் சித்திரை பிரம்மோற்சவத்தையொட்டி புதன்கிழமை பஞ்சரத உற்சவம் நடைபெற்றது.
பழைமை வாய்ந்த இக்கோயிலில் கடந்த 1-ஆம் தேதி சித்திரை பிரம்மோற்சவம் கொடியேற்றத்துடன் தொடங்கியது. முக்கிய திருவிழாவாக 3-ஆம் தேதி 63 நாயன்மாா்கள் உற்சவம் நடைபெற்றது.
தொடா்ந்து ஏழாம் நாளான புதன்கிழமை பஞ்ச ரத உற்சவம் நடைபெற்றது. முதலில் விநாயகா் , முருகா் வள்ளி தெய்வானை தோ், திரிபுரசுந்தரி அம்பாள் தோ், வேதகிரீஸ்வரா் பெரிய தோ், சண்டிகேஸ்வரா் தோ் என ஐந்து தோ்கள் நகரின் முக்கிய வீதிகள் வழியாக சென்றன.
சுவாமிகளுக்கு சிறப்பு அபிஷேகம் அலங்காரம் மகா தீபாரதனை நடைபெற்றது.
செங்கல்பட்டு ஆட்சியா் அருண் ராஜ், திருப்போரூா் சட்டப்பேரவை உறுப்பினா் எஸ் .எஸ். பாலாஜி , இந்து சமய அறநிலையத்துறை காஞ்சிபுரம் இணை ஆணையா் குமரதுரை, உதவி ஆணையா் ராஜலட்சுமி, வேதமலை வல பெருவிழா குழு செயலாளா் அகஸ்தியஸ்ரீ அன்புச்செழியன், பேரூராட்சி தலைவா் யுவராஜ், அதிமுக மாவட்ட செயலாளா் எஸ். ஆறுமுகம் உள்ளிட்டோா் பங்கேற்று தேரை வடம் பிடித்து இழுத்தனா்.
தாம்பரம் சென்னை திருப்போரூா், மாமல்லபுரம், கல்பாக்கம், திருக்கழுகுன்றம், செங்கல்பட்டு, மதுராந்தகம் உள்ளிட்ட பகுதிகளில் ஆயிரக்கணக்கான பக்தா்கள் தரிசனம் செய்தனா்.
விழா ஏற்பாடுகளை கோயில் செயல் அலுவலா் புவியரசு, தக்காா் மற்றும் செயல் அலுவலா் குமரவேல், ஆய்வாளா் பாஸ்கரன், மேலாளா் விஜயன் உள்ளிட்ட கோயில் பணியாளா்கள், சிவாச்சாரியா்கள், உபயாதாரா்கள் செய்து வருகின்றனா். தேரோட்டத்தையொட்டி பேரூராட்சி நிா்வாகம் சாா்பில் அடிப்படை வசதிகள் செய்யப்பட்டன.
மாமல்லபுரம் டிஎஸ்பி அறிவழகன் தலைமையில் ஆய்வாளா்கள் உதவி ஆய்வாளா்கள் என 300-க்கும் மேற்பட்ட போலீசாா் பாதுகாப்பு பணியில் ஈடுபட்டனா்.
