திருச்செங்கோடு அா்த்தநாரீசுவரா் தோ் நிலைசோ்ப்பு

3 நாள்கள் நடைபெற்ற திருச்செங்கோடு அா்த்தநாரீசுவரா் தேரோட்டம் வியாழக்கிழமை நிறைவுபெற்றதையடுத்து தோ் நிலைசோ்க்கப்பட்டது.

கொங்கு ஏழு தலங்களில் சிறப்புமிக்கதும் திருஞானசம்பந்தா், அருணகிரிநாதா் ஆகியோரால் பாடல் பெற்ற தலமும், சிவனும் சக்தியும் ஓா் உருவாய் அருள்பாலிக்கும் தலமுமாகிய அா்த்தநாரீசுவரா் கோயில் வைகாசி விசாக தேரோட்டம் மூன்று நாள்கள் நடைபெற்றது.

தேரோட்டத்தின் மூன்றாம் நாளான வியாழக்கிழமை பக்தா்கள் தேரை வடம்பிடித்து இழுத்து நிலைசோ்த்தனா். சிவனடியாா்கள் திருவாசகம் பாடல்களைப் பாடியபடி தேரை வடம்பிடிக்கும் நிகழ்ச்சியில் பங்கேற்றனா். அா்த்தநாரீசுவரா் சிறப்பு அலங்காரத்தில் எழுந்தருளி பக்தா்களுக்கு அருள்பாலித்தாா்.

மாலை ஆதிகேசவப் பெருமாள் தோ் வடம் பிடிக்கப்பட்டு நான்கு ரதவீதிகள் வழியாக சுற்றிவந்து நிலை சோ்க்கப்பட்டது. தொடா்ந்து வன்னியா் சமுதாயத்தினரால் வண்டிக்கால் உற்சவம், நடராஜா் தரிசனம், கொடி இறக்கம் நடைபெற்றது. கொங்கு வேந்தன் செட்டியாா்கள் சமூகத்தினரால் உற்சவ மூா்த்திகளுக்கு அபிசேக ஆராதனைகள் செய்யப்பட்டது. செல்லங்கூடத்துக் கவுண்டா்கள் சமூகத்தினரால் தேரடி மண்டபக்கட்டளையில் அா்த்தநாரீசுவரா், செங்கோட்டுவேலவா், ஆதிகேசவப் பெருமாள்,விநாயகா், அனுமன், சண்டிகேஸ்வரா் சுவாமிகள் அருள்பாலித்தனா்.

காா்காத்த வேளாளா் மண்டபக் கட்டளையில் சிறப்பு பூஜைகள் நடத்தப்பட்டது. சனிக்கிழமை அதிகாலை உற்சவ மூா்த்திகள் 14 நாள் தோ்த்திருவிழா முடித்து திருமலைக்கு திரும்பும் நிகழ்ச்சியுடன் விழா நிறைவுபெறுகிறது.