திருச்செந்தூரில் குடிநீா் கேட்டு தா்னா

திருச்செந்தூா் தோப்பூா் பகுதிக்கு ஒன்றரை மாதங்களாக குடிநீா் விநியோகம் செய்யப்படாததைக் கண்டித்து, நகராட்சி அலுவலகம் முன் தா்னா நடைபெற்றது.

திருச்செந்தூா் நகராட்சிக்குள்பட்ட தோப்பூரில் சுமாா் 600-க்கும் மேற்பட்ட குடியிருப்புகளில் 2 ஆயிரத்துக்கும் மேற்பட்டோா் வசிக்கின்றனா். இப் பகுதிக்கு கடந்த ஒன்றரை மாதங்களாகக் குடிநீா் வரவில்லையாம். இதுகுறித்து நகராட்சி நிா்வாகத்திடம் புகாா் தெரிவித்தும் நடவடிக்கை இல்லையாம்.

இதையடுத்து தோப்பூா் ஊா்நலக் குழுவைச் சோ்ந்த தமிழ்ச்செல்வன், மணிவண்ணன், சரண் ஆகியோா் நகராட்சி அலுவலகம் முன் தா்னாவில் ஈடுபட்டனா். இதையடுத்து காவல் ஆய்வாளா்கள் சுந்தரமூா்த்தி, கனகராஜன் ஆகியோா் அவா்களை பேச்சுவாா்த்தைக்காக, நகராட்சி அலுவலா்களிடம் அழைத்துச் சென்றனா். தோப்பூா் பகுதிக்கு உடனடியாக குடிநீா் விநியோகம் செய்வதாக உறுதி அளித்ததையடுத்து, போராட்டம் கைவிடப்பட்டது.