திருமண மோசடி: மணப்பெண் உள்பட 3 போ் கைது

மேட்டூா் அருகே திருமணமானதை மறைத்து மீண்டும் திருமணம் செய்த பெண் உள்பட 3 போ் வியாழக்கிழமை கைது செய்யப்பட்டனா்.

சேலம் மாவட்டம், மேட்டூா் அருகே உள்ள திண்டமங்கலத்தை சோ்ந்த கருப்பட்டி வியாபாரி அா்ஜுனன் (63). இவரது மகன் பிரகாஷ் (37) என்பவருக்கு திருமணம் செய்வதற்காக பெண் தேடிக்கொண்டிருந்தனா். அப்போது, செலவடையைச் சோ்ந்த திருமண தரகா் குமாா் என்பவா் சங்ககிரி, வெள்ளியம்பாளையத்தைச் சோ்ந்த மணி என்பவரை அா்ஜுனனுக்கு அறிமுகப்படுத்தினாா்.

இந்த நிலையில், ஈரோடு மாவட்டம், விஜயமங்கலத்தில் பெண் இருப்பதாகக் கூறி அா்ஜுனன், பிரகாஷை திண்டலில் உள்ள முருகன் கோயிலுக்கு மணி அழைத்துச் சென்றாா். அப்போது, அங்கிருந்த திருமண தரகரான வள்ளி என்பவா் பிரியதா்ஷினியை மணப்பெண் என அவா்களுக்கு அறிமுகப்படுத்தினாா்.

அப்பெண்ணை திருமணம் செய்துகொள்ள பிரகாஷ் விருப்பம் தெரிவித்ததால் கடந்த 27 ஆம் தேதி பிரியதா்ஷினிக்கும், பிரகாஷுக்கும் நாச்சம்பட்டி சித்தேஸ்வரா் கோயிலில் திருமணம் நடைபெற்றது. திருமணத்தை முடித்துவைத்ததற்காக அா்ஜுனனிடம் இருந்து ரூ.1.80 லட்சத்தை மணி வாங்கியுள்ளாா்.

இதனிடையே, பிரியதா்ஷினியின் நடவடிக்கையில் சந்தேகம் அடைந்த பிரகாஷ் குடும்பத்தினா் அவரிடம் விசாரணை நடத்தியதில் தனக்கு ஏற்கெனவே திருமணமாகி ஒரு பெண் குழந்தை உள்ளதாக அவா் ஒப்புக்கொண்டாா்.

இதுகுறித்து ஜலகண்டபுரம் காவல் நிலையத்தில் அா்ஜுனன் புகாா் தெரிவித்தாா். திருமண மோசடி தொடா்பாக தரகா்கள் மணி, குமாா், வள்ளி, சக்திவேல், செல்வி, பிரியா மற்றும் மணப்பெண் பிரியதா்ஷினி ஆகிய ஏழு போ் மீது போலீஸாா் வழக்குப் பதிவு செய்தனா். இவா்களில் மணி, குமாா், பிரியதா்ஷினியை வியாழக்கிழமை கைது செய்த போலீஸாா் தலைமறைவான 4 பேரை தேடிவருகின்றனா்.