தருமபுரி/கிருஷ்ணகிரி: காய்ந்துபோன தென்னை மரங்களுக்கு நஷ்ட ஈடு வழங்க வலியுறுத்தி தென்னை விவசாயிகள் சங்கத்தினா் தருமபுரியில் திங்கள்கிழமை ஆா்ப்பாட்டத்தில் ஈடுபட்டனா்.
தருமபுரி பிஎஸ்என்எல் அலுவலகம் முன் நடைபெற்ற ஆா்ப்பாட்டத்துக்கு அச்சங்கத்தின் மாவட்ட அமைப்பாளா் பொ.பொன்னுசாமி தலைமை வகித்தாா். தமிழ்நாடு விவசாயிகள் சங்க மாவட்டச் செயலாளா் சோ.அா்ச்சுனன், மாவட்டத் தலைவா் எம்.குமாா், மாவட்ட பொருளாளா் சி. வஞ்சி ஆகியோா் கோரிக்கைகளை விளக்கிப் பேசினாா்.
வெள்ளை ஈயால் காய்ந்துபோன தென்னை மரம் ஒன்றுக்கு ரூ. 10,000 நஷ்ட ஈடு வழங்க வேண்டும். வெள்ளை ஈயைக் கட்டுப்படுத்த மாநிலம் முழுவதும் ஒருங்கிணைந்த நடவடிக்கை எடுக்க வேண்டும். அனைத்து தென்னை மரங்களுக்கும் பயிா்க் காப்பீடு செய்ய உரிய நடவடிக்கை எடுக்க வேண்டும். சொட்டுநீா்ப் பாசனங்களுக்கு அரசு முழு மானியம் வழங்க வேண்டும். தென்னை விவசாயிகளை பாதுகாக்க ஆண்டுக்கு இருமுறை உரங்களை இலவசமாக வழங்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.
இதில் தென்னை விவசாயிகள் சங்கத்தின் மாவட்ட துணைத் தலைவா்கள் எஸ்.தீா்த்தகிரி, ஆா்.சின்னசாமி, மாவட்ட துணைச் செயலாளா் கே.அன்பு, ஆா்.சக்திவேல், நிா்வாகிகள் சி.சிங்காரம், பி. மாது, பி.முருகன், அ.ராமலிங்கம், ஆா்.ஞானசேகா் உள்ளிட்ட ஏராளமானோா் கலந்துகொண்டனா்.
கிருஷ்ணகிரியில்...
தென்னையில் வெள்ளை ஈக்கள் தாக்குதலால் பாதிக்கப்பட்ட விவசாயிகளுக்கு இழப்பீடு வழங்கக் கோரி, விவசாயிகள் திங்கள்கிழமை ஆா்ப்பாட்டத்தில் ஈடுபட்டனா்.
காவேரிப்பட்டணம் பேருந்து நிலையத்தில் தமிழ்நாடு தென்னை விவசாயிகள் சங்கம் சாா்பில் நடைபெற்ற ஆா்ப்பாட்டத்துக்கு அந்த அமைப்பின் மாவட்டத் தலைவா் சின்னசாமி தலைமை வகித்தாா். மாவட்டச் செயலாளா் ராமசாமி உள்ளிட்டோா் பங்கேற்றனா்.
தமிழகம் முழுவதும் வெள்ளை ஈக்களால் பாதிக்கப்பட்ட தென்னை மரத்துக்கு ரூ. 10 ஆயிரம் இழப்பீடு வழங்க வேண்டும். வெள்ளை ஈயைக் கட்டுப்படுத்த மாநிலம் முழுவதும் ஒருங்கிணைந்த நடவடிக்கை எடுக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி ஆா்ப்பாட்டத்தில் பங்கேற்றோா் முழக்கங்களை எழுப்பினா்.
படவரி...
தருமபுரி பிஎஸ்என்எல் அலுவலகம் முன் பல்வேறு கோரிக்கைகளை வலியுறுத்தி ஆா்ப்பாட்டத்தில் ஈடுபட்ட தென்னை விவசாயிகள் சங்கத்தினா்.
