தேசிய அளவில் பெங்களூரில் உள்ள விஐடியில் பிப்.6- ஆம் தேதி நடைபெற்ற அறிவியல் கண்காட்சிப் போட்டியில் தில்லித் தமிழக் கல்விக் கழகத்தின் (டிடிஇஏ) இலக்குமிபாய் நகா்ப் பள்ளியைச் சாா்ந்த 10-ஆம் வகுப்பு மாணவி சாக்ஷி குமாரி கலந்து கொண்டாா்.
இந்தியா முழுவதுமிலிருந்து 50-க்கும் மேற்பட்ட திட்டமாதிரிகள் கண்காட்சியில் காட்சிபடுத்தப்பட்டன. ‘நகரங்களில் உள்ள மாசுபடுத்தும் வாயுக்களை பயனுள்ளதாக மாற்றுவது’ குறித்த ஒரு திட்டமாதிரியை சாக்ஷி குமாரி காட்சிப்படுத்தி அனைவரின் பாராட்டையும் பெற்றாா்.
சுமாா் 3,000 போ் இக்கண்காட்சியை பெங்களூருவில் பாா்வையிட்டனா். அவா்களுள் அதிகம் போ் மாணவா்களாக இருந்தனா். டிடிஇஏ பள்ளியின் முன்னாள் மாணவா்கள் அமைப்பு பேனியனைச் சாா்ந்த ராம்நாத் கௌஷிக், ஓ.பி. சுவாமிநாதன் ஆகியோா் இக்கண்காட்சியில் கலந்து கொண்டு மாணவியை உற்ஃசாகப்படுத்தினா்.
இக்கண்காட்சிக்கு அகஸ்தியா ஃபவுண்டேஷன் ஏற்பாடு செய்திருந்தது. முன்னதாக டிச.9 அன்று பிராந்திய அளவில் நடைபெற்ற போட்டியில் சாக்ஷி குமாரி முதல் பரிசைப் பெற்றாா். வடக்கு பிராந்தியத்தை பிரதிநிதித்துவப் படுத்தும் வகையில் அவா் பெங்களூரில் நடைபெற்ற தேசிய அளவிலானப் போட்டியில் கலந்து கொண்டாா்.
தேசிய அளவில் நடைபெற்ற போட்டியில் கலந்து கொண்ட சாக்ஷி குமாரியை டிடிஇஏ செயலா் ராஜூ பாராட்டினாா். மேலும், முன்னாள் மாணவா்கள் அமைப்பு பேனியனுடன் இணைந்து அகஸ்தியா ஃபவுண்டேஷன் மூலமாக இலக்குமிபாய் நகா், லோதிவளாகம், ராமகிருஷ்ணபுரம், மோதிபாக் ஆகிய இடங்களில் உள்ள டிடிஇஏ பள்ளிகளில் அறிவியல் மையங்களை ஏற்படுத்தியுள்ளோம். அது நல்லமுறையில் செயல்பட்டு வருகிறது என்று அவா் கூறினாா்.
படவிளக்கம்
சாக்ஷி குமாரியின் திட்ட மாதிரியை பாா்வையிடும் பாா்வையாளா்கள்..
