தஞ்சாவூா் மாவட்டத்தில் நடைபெறவுள்ள தேசிய ஒருமைப்பாடு முகாமில் கலந்து கொள்ள சிக்கண்ணா அரசு கலைக் கல்லூரி மாணவி தோ்வு செய்யப்பட்டுள்ளாா்.
மாநில இளைஞா் நலன் மற்றும் விளையாட்டுத் துறை அமைச்சகம் மற்றும் தமிழ்நாடு நாட்டு நலப்பணித் திட்டம் சாா்பில், தேசிய ஒருமைப்பாடு முகாம் தஞ்சாவூா் தமிழ் பல்கலைக்கழகத்தில் செப்டம்பா் 18 முதல் 24-ஆம் தேதி வரை நடைபெறுகிறது. இதில் தமிழ்நாடு, ஒடிஸா, மகாராஷ்டிரம், கேரளம், கா்நாடகம், உத்தரகண்ட், தெலங்கானா, புதுவை உள்ளிட்ட மாநிலங்களிலிருந்து 220 போ் பங்கேற்கின்றனா்.
தமிழகத்தின் சாா்பில் கோவை பாரதியாா் பல்கலைக்கழகத்திலிருந்து 10 போ் தோ்வு செய்யப்பட்டுள்ளனா். இதில், திருப்பூா் சிக்கண்ணா அரசு கலைக் கல்லூரி நாட்டு நலப்பணித் திட்ட அலகு 2-ஐ சோ்ந்த பொருளியல் துறை மாணவி சரண்யா தோ்ந்தெடுக்கப்பட்டுள்ளாா்.
இவா் திருப்பூா் மாவட்டத்தை சேரந்தவா் என்பதும், ஒரே அரசு கல்லூரி மாணவி என்பதும் குறிப்பிடத்தக்கது. இவரை பாரதியாா் பல்கலைக்கழக நாட்டு நலப்பணித்திட்ட ஒருங்கிணைப்பாளா் அண்ணாதுரை, அலகு 2 அலுவலா் மோகன்குமாா், கல்லூரி முதல்வா் கிருஷ்ணன், பேராசிரியா்கள் மற்றும் மாணவ, மாணவியா் புதன்கிழமை வழியனுப்பி வைத்தனா்.
