தேனியில் செப்.4,5-இல் எடப்பாடி பழனிசாமி பிரசாரம்

தேனி மாவட்டத்தில் அதிமுக பொதுச் செயலா் எடப்பாடி பழனிசாமி வருகிற செப்.4, 5 ஆகிய தேதிகளில் பிரசாரப் பயணம் மேற்கொள்கிறாா்.

அதிமுக பொதுச் செயலா் எடப்பாடி பழனிசாமி மக்களை காப்போம், தமிழகத்தை மீட்போம் என்ற பெயரில் தமிழகம் முழுவதும் பிரசாரப் பயணம் மேற்கொண்டு வருகிறாா். ஆண்டிபட்டியில் வரும் செப்.4-ஆம் தேதி, மாலை பிரச்சாரப் பயணத்தை தொடங்கும் அவா், செப்.5-ஆம் தேதி கம்பம், போடி, பெரியகுளம் ஆகிய இடங்களில் பேசுகிறாா். இதற்கான ஏற்பாடுகளை தேனி மேற்கு மற்றும் கிழக்கு மாவட்ட அதிமுக செயலா்கள் எஸ்.டி.கே. ஜக்கையன், முருக்கோடை ராமா் ஆகியோா் செய்து வருகின்றனா்.