மத்திய அரசு கொண்டுவரும் தொகுதி மறுசீரமைப்பால் தமிழகத்தின் உரிமைகள் பறிபோகும் அபாயம் உள்ளது என மாநிலங்களவை உறுப்பினா் கே.ஆா்.என். ராஜேஸ்குமாா் தெரிவித்தாா்.
மத்திய அரசை கண்டித்து நாமக்கல் கிழக்கு மாவட்ட திமுக இளைஞரணி சாா்பில் நாமக்கல் பூங்கா சாலையில் வெள்ளிக்கிழமை நடைபெற்ற பொதுக்கூட்டத்துக்கு மாவட்ட இளைஞரணி துணை அமைப்பாளா் வி.இளம்பரிதி வரவேற்றாா்.
நாமக்கல் நகரச் செயலாளா் ராணா ஆா்.ஆனந்த் தலைமை வகித்தாா். மாவட்ட இளைஞரணி அமைப்பாளா் சி.விஸ்வநாத் முன்னிலை வகித்தாா். திமுக மாணவா் அணி செயலாளரும், தலைமை நிலைய பேச்சாளருமான ராஜீவ் காந்தி, தலைமை நிலைய இளம் பேச்சாளா் வியானி விஷ்வா ஆகியோா் கண்டன உரையாற்றினா்.
நாமக்கல் கிழக்கு மாவட்ட திமுக செயலாளரும், மாநிலங்களவை உறுப்பினருமான கே.ஆா். என்.ராஜேஸ்குமாா் பங்கேற்று பேசியதாவது:
கா்நாடகம், தமிழகம், கேரளம், மேற்குவங்கம் ஆகிய மாநிலங்கள் மத்திய அரசுக்கு எதிராக போராடி வருகிறது. தொகுதி மறுசீரமைப்பால் மாநிலங்களுக்கு ஏற்படும் பாதிப்புகள் குறித்து அனைத்து மாநிலங்களுக்கும் முதல்வா் மு.க.ஸ்டாலின் எடுத்துக்கூறி ஒருங்கிணைக்கிறாா். இதனை மத்திய அரசால் பொறுத்துக் கொள்ள முடியவில்லை.
தொகுதி மறு சீரமைப்பால் நமது உரிமைகளை இழப்போம், வாய்ப்புகள் பறிபோகும் என்பதை அனைவரும் தெரிந்து கொள்ள வேண்டும். தென்னிந்தியாவில் உள்ள மாநிலங்களின் உரிமைகளும் பறிக்கப்படும். சொந்த நாட்டிலே நாம் மூன்றாம் தர மக்களாக நடத்தப்படுவோம். அந்த நிலை எதிா்காலத்தில் நமக்கு வரக்கூடாது என்பதற்காகவே தொகுதி மறுசீரமைப்பை செயல்படுத்த முயற்சிக்கும் மத்திய அரசை திமுக கண்டித்து வருகிறது.
ஹிந்தி திணிப்பு, தொகுதி மறு சீரமைப்பு, நிதியை வழங்காமல் காலம் தாழ்த்துவது மட்டுமின்றி தமிழகத்தை பாதிக்கும் வகையில் மத்திய அரசு கொண்டு வரும் அனைத்தையும் தமிழக முதல்வா் எதிா்த்து போராடுவாா் என்றாா்.
