ஜேஇஇ நுழைவுத் தோ்வில் பங்கேற்க ஆதிதிராவிடா், பழங்குடியின மாணவா்கள் விண்ணப்பிக்கலாம்!

நாமக்கல் மாவட்டத்தைச் சோ்ந்த ஆதிதிராவிடா், பழங்குடியின மாணவா்கள் ஜேஇஇ நுழைவுத் தோ்வுக்கான பயிற்சியில் பங்கேற்க விண்ணப்பிக்கலாம் என்று ஆட்சியா் ச.உமா தெரிவித்துள்ளாா்.

இதுகுறித்து அவா் வெளியிட்ட செய்திக் குறிப்பு: தமிழ்நாடு ஆதிதிராவிடா் வீட்டு வசதி மற்றும் மேம்பாட்டுக் கழகம் (தாட்கோ) மற்றும் சென்னை பெட்ரோலியம் காா்ப்பரேஷன் நிறுவனம் ஆகியவை சாா்பில் ஆதிதிராவிடா், பழங்குடியினா் மற்றும் பிற இனத்தைச் சாா்ந்த மாணவா்களுக்கு அகில இந்திய நுழைவுத் தோ்வில் (ஜேஇஇ மெயின்ஸ்) தோ்ச்சி பெற பயிற்சி அளிக்கப்படவுள்ளது.

இந்தப் பயிற்சியை 12-ஆம் வகுப்பில் இயற்பியல், வேதியியல் மற்றும் கணக்கு பாடங்களில் ஆதிதிராவிடா் மற்றும் பழங்குடியின இனத்தைச் சாா்ந்த மாணவா்கள் 65 சதவீதமும், பிற இனத்தைச் சாா்ந்த மாணவா்கள் 75 சதவீதமும் மதிப்பெண்கள் பெற்றிருக்க வேண்டும்.

குடும்ப வருமானம் ஆண்டிற்கு ரூ. 4 லட்சத்திற்குள் இருக்க வேண்டும். இந்த பயிற்சியானது மாணவா்களுக்கு மட்டும் வழங்கப்பட உள்ளது. இப்பயிற்சி பெற இணையத்தில் பதிவு செய்ய வேண்டும்.

மேலும், சென்னை பெட்ரோலியம் காா்ப்பரேஷன் நிறுவனம் நடத்தும் நுழைவுத் தோ்வில் தோ்ச்சி பெறுபவா்களுக்கு மட்டும் மணலியில் உள்ள அந்நிறுவனத்துக்கு சொந்தமான பாலிடெக்னிக் கல்லூரியில் தங்கி பயிலவும், உணவு மற்றும் தங்கும் இடத்திற்கான கட்டணத் தொகையும், 11 மாதங்களுக்கு தங்கி பயில பயிற்சிக்கான தொகையை பெட்ரோலியம் நிறுவனம் ஏற்றுக்கொள்கிறது.

கடந்த ஆண்டில் 30 மாணவா்கள் தங்கி பயின்று, அதில் 26 மாணவா்கள் தோ்ச்சி பெற்று ஐஐடி, என்ஐடி போன்ற தேசிய கல்வி நிறுவனங்களில் சேர தகுதி பெற்றுள்ளனா். இந்த நுழைவுத் தோ்வு தொடா்பான கூடுதல் விவரங்களுக்கு, நாமக்கல் மாவட்ட ஆட்சியா் அலுவலகத்தில் உள்ள தாட்கோ அலுவலகத்தை ஆதிதிராவிடா், பழங்குடியினா் இனத்தைச் சாா்ந்த மாணவா்கள் தொடா்பு கொள்ளலாம் என தெரிவிக்கப்பட்டுள்ளது.