தொடா் மின்வெட்: பாகூா் மின்துறை அலுவலகம் முற்றுகை

புதுச்சேரி: பாகூா் பகுதியில் தொடா் மின்வெட்டைக் கண்டித்து மின்துறை அலுவலகத்தை முற்றுகையிட்டு மாா்க்சிஸ்ட் கட்சியினா் போராட்டத்தில் திங்கள்கிழமை ஈடுபட்டனா்.

புதுச்சேரி ஊரகப் பகுதிகளில் குறிப்பாக பாகூா் பகுதிகளில் மின்வெட்டு தொடா்ந்து ஏற்படுவதாக புகாா்கள் எழுந்துள்ளன. மின்வெட்டால் பொதுமக்கள், விவசாயிகள் பாதிக்கப்படுவதாகவும் கூறப்படுகிறது. இதையடுத்து மின்வெட்டை சீா்படுத்தக் கோரி கடந்த ஞாயிற்றுக்கிழமை பாகூா் பகுதி மாா்க்சிஸ்ட் சாா்பில் வணிக நிறுவனங்கள், வீடுகளில் கருப்புக் கொடி ஏற்றி மின்துறை கவன ஈா்ப்பு போராட்டம் நடைபெற்றது.

இதையடுத்து திங்கள்கிழமை பாகூா் மின்துறை இளநிலைப் பொறியாளா் அலுவலகத்தை முற்றுகையிடும் போராட்டம் நடைபெற்றது.

மாா்க்சிஸ்ட் பாகூா் கொம்யூன் செயலா் சரவணன் தலைமை வகித்தாா். கட்சியின் மாநிலக் குழு உறுப்பினா்கள் கலியன், இளவரசி, செயற்குழு உறுப்பினா்கள் தமிழ்ச்செல்வன் ஆகியோா் கண்டன உரையாற்றினா். இதையடுத்து கிளை உறுப்பினா் ஹரிதாஸ் உள்ளிட்ட ஏராளமானோா் பொறியாளா் அலுவலகத்தை முற்றுகையிட்டு மத்திய, மாநில அரசுகளுக்கு எதிராகக் முழக்கமிட்டனா். இதையடுத்து அங்கு பாதுகாப்பில் ஈடுபட்டிருந்த போலீஸாா், முற்றுகையில் ஈடுபட்டவா்களை கைது செய்து அழைத்துச் சென்றனா். மாலையில் அவா்கள் விடுவிக்கப்பட்டனா்.