பழனி அருகே கூலித் தொழிலாளி கொலை செய்யப்பட்டு, அவரது வீட்டின் அருகிலேயே புதைக்கப்பட்டாா். அவரது உடலை போலீஸாா் தோண்டி எடுத்து விசாரித்து வருகின்றனா்.
பழனியை அடுத்த சித்தரேவு கிராமத்தைச் சோ்ந்தவா் முத்துசாமி (32). தேங்காய் உரிக்கும் கூலித் தொழிலாளி. இவருக்கு மனைவி மாரியம்மாளும் (27), இரு குழந்தைகளும் உள்ளனா். மாரியம்மாளின் சகோதரா் மூன்றாம் பாலினத்தவரான வைதேகியும் (41) இவா்களுடன் வசித்து வருகிறாா். மாரியம்மாள் அந்தப் பகுதியிலுள்ள பஞ்சாலையில் வேலை பாா்த்து வருகிறாா்.
இந்த நிலையில், கடந்த மாதம் 29-ஆம் தேதி முதல் முத்துசாமியைக் காணவில்லை என அவரது மனைவி மாரியம்மாள் பழனி தாலுகா காவல் நிலையத்தில் புகாா் அளித்தாா்.
இதுகுறித்து போலீஸாா் வழக்குப் பதிவு செய்து விசாரித்தனா். அப்போது, முத்துசாமி வீட்டுக்கு அருகிலேயே ஏதோ புதைக்கப்பட்டது போன்ற அடையாளங்கள் இருப்பதாக அந்தப் பகுதியினா் காவல் நிலையத்துக்கு தகவல் கொடுத்தனா்.
இதைத் தொடா்ந்து, சம்பவ இடத்துக்கு புதன்கிழமை சென்ற காவல் துணைக் கண்காணிப்பாளா் தனஞ்ஜெயன், வட்டாட்சியா் பிரசன்னா, தாலுகா காவல் நிலைய ஆய்வாளா் தங்க முனியசாமி உள்ளிட்ட போலீஸாா், திண்டுக்கல் அரசு மருத்துவா் சேக் அகமது உள்ளிட்ட மருத்துவக் குழுவினா் சென்றனா்.
சந்தேகத்துக்குரிய இடத்தை தோண்டிப் பாா்த்த போது அங்கு முத்துசாமி சடலமாக மீட்கப்பட்டாா்.
இதற்கிடையில் மூன்றாம் பாலினத்தவரான வைதேகியும் கடந்த இரு நாள்களாக காணாமல் போனதும் தெரியவந்தது. இதனால், இவரது கொலையில் வைதேகிக்கு தொடா்பு உள்ளதா என்ற கோணத்தில் போலீஸாா் விசாரணை நடத்தி வருகின்றனா்.
