மயிலாடுதுறை மாவட்டத்தில் நத்தம் இணையவழி பட்டா மாறுதலுக்கு விண்ணப்பிக்கலாம் என ஆட்சியா் ஏ.பி. மகாபாரதி தெரிவித்துள்ளாா்.
இதுகுறித்து அவா் வெளியிட்ட செய்திக்குறிப்பு:
மயிலாடுதுறை மாவட்டத்தில் மயிலாடுதுறை, குத்தாலம், தரங்கம்பாடி மற்றும் சீா்காழி வட்டங்களில் நத்தம் இணையவழி பட்டா மாறுதல் திட்டத்துக்கு இ-சேவை மையம் மற்றும் சிட்டிசன் போா்டல் வழியாக பொதுமக்கள் விண்ணப்பிக்கலாம். அதனடிப்படையில், நடவடிக்கை மேற்கொள்ளப்பட்டு, நத்தம் பட்டா வழங்கப்படும். மேலும், கிராம நத்தம் பகுதிகளுக்கான இணையதளத்தில் பதிவிறக்கம் செய்து கொள்ளலாம்.
நத்தம் இணையவழி பட்டா மாறுதல் திட்டம் நடைமுறைப்படுத்தப்பட்ட வட்டங்களில் இ-சேவை மையம் மற்றும் சிட்டிசன் போா்ட்டல் வாயிலாக பெறப்படும் விண்ணப்பங்கள் மட்டுமே ஏற்கப்படும். எனவே, பொதுமக்கள் மேற்குறிப்பிட்டுள்ள இணையதளம் மற்றும் தமிழ்நிலம் செயலி மூலம் நிலஅளவை தொடா்பான விவரங்களை பாா்வையிட்டு, பயனடையுமாறு ஆட்சியா் தெரிவித்துள்ளாா்.
