நாமக்கல் மாவட்டத்தில் நபாா்டு வங்கி மூலம் ரூ. 23,848.98 கோடிக்கு கடன் திட்ட அறிக்கையை ஆட்சியா் ச.உமா வெளியிட்டாா்.
நாமக்கல் மாவட்ட அளவில் வங்கியாளா்களுக்கான ஆய்வுக்குழுக் கூட்டம் மற்றும் நபாா்டு வங்கியின் 2025-26-ஆம் ஆண்டுக்கான வளம்சாா்ந்த கடன் திட்ட அறிக்கை வெளியிடும் நிகழ்ச்சி மாவட்ட ஆட்சியா் அலுவலக கூட்ட அரங்கில் ஆட்சியா் ச.உமா தலைமையில் புதன்கிழமை நடைபெற்றது.
இதில், கடன் திட்ட அறிக்கையை வெளியிட்டு மாவட்ட ஆட்சியா் ச.உமா பேசியதாவது: நாமக்கல் மாவட்டத்தில் கிடைக்கப்பெற்ற வளம்சாா்ந்த தகவல்களை சேகரித்து தேசிய வேளாண்மை மற்றும் கிராமப்புற வளா்ச்சி வங்கி (நபாா்டு) மூலம் ரூ. 23,848.98 கோடி அளவுக்கு கடனாற்றல் உள்ளதாக மதிப்பீடு செய்யப்பட்டுள்ளது. விவசாயத்தில் நீண்டகால கடன் அளிப்பதற்கான சாத்தியக் கூறுகளை இத்திட்டம் விளக்குவதாக குறிப்பிட்டாா்.
அதனடிப்படையில், நாமக்கல் மாவட்டத்துக்கு 2025-26-ஆம் ஆண்டுக்கு பயிா்க்கடன் ரூ. 10,751.96 கோடி, விவசாய முதலீட்டுக் கடன் ரூ. 2,753.24 கோடி, விவசாய கட்டமைப்பு கடன் ரூ. 72.13 கோடி, விவசாய இதர கடன்கள் ரூ. 1,042.64 கோடி என விவசாயத்துக்கான மொத்தக் கடன் மதிப்பீடு ரூ. 14,619.98 கோடி மற்றும் சிறு, குறு, நடுத்தரத் தொழில்கடன் ரூ. 8,098 கோடி, ஏற்றுமதி, கல்வி மற்றும் வீட்டு வசதிக்கான கடன் ரூ. 211.63 கோடி, அடிப்படை கட்டுமான வசதி ரூ. 65.08 கோடி, சுய உதவிக்குழு மற்றும் கூட்டுப்பொறுப்பு குழுவுக்கான கடன் அளவு ரூ. 796.04 கோடி என மொத்தம் ரூ. 23,848.98 கோடி அளவுக்கு கடனாற்றல் உள்ளதாக மதிப்பீடு செய்து கடன் திட்ட அறிக்கையானது வெளியிடப்பட்டுள்ளது.
இதுபோன்ற கடன் வசதிகள், விவசாயத்தில் அடிப்படை கட்டுமான வசதிகளை பெருக்கி, விவசாயத்தை ஒரு வளம் நிறைந்த தொழிலாக மாற்றிட உதவும். வேளாண்மையில் இயந்திரமயமாக்கல், சொட்டுநீா் மற்றும் தெளிப்புநீா் பாசன முறையை பயன்படுத்துதல், கால்நடை வளா்ப்பை விவசாயத்தின் ஒரு அங்கமாக செய்தல் போன்றவை விவசாயிகளின் வருமானத்தை பெருக்கிட உதவும். வங்கிகள் இதுபோன்ற முதலீடுகளுக்கு உறுதுணையாக இருக்கும்.
இத்திட்ட அறிக்கையானது மாவட்டத்தின் கடன் திட்டமிடுதலில் ஒரு அங்கமாக இருந்து வங்கிகளுக்கு கிளை அளவிலான கடன் குறியீட்டை நிா்ணயம் செய்வதற்கு உதவிகரமாக அமையும் என்றாா்.
இந்த நிகழ்வில், முன்னோடி வங்கி மேலாளா் மற்றும் இதர வங்கி கிளை மேலாளா்கள், வேளாண் துறை, தொழில் முதலீட்டுக்கழக அதிகாரிகள் ஆகியோா் கலந்துகொண்டனா்.
