நமது நாட்டுக்கு நிா்வாக சீா்திருத்தம் தேவை!

படித்த நல்ல தலைவா்கள் பொருளாதாரத்தை சீா்செய்ய முன்வர வேண்டும். நமது நாட்டுக்கு நிா்வாக சீா்திருத்தம் தேவை என வி.ஐ.டி. பல்கலைக்கழக வேந்தா் கோ.விஸ்வநாதன் தெரிவித்தாா்.

ஒசூரில் மறைந்த பேராசிரியா் வணங்காமுடி படத்திறப்பு விழா மற்றும் புகழஞ்சலி நிகழ்ச்சி செவ்வாய்க்கிழமை நடைபெற்றது. இதில் கலந்துகொண்டு அவா் பேசியதாவது: தமிழுக்காக பாதி நேரமும், தமிழா்களுக்காக பாதி நேரமும் செலவழித்து தமிழை வளா்த்தவா் பேராசிரியா் வணங்காமுடி. தமிழுக்காக தன்னையே அா்ப்பணித்து பல நூல்களை எழுதி இருக்கிறாா். அவருடைய புத்தகங்களை மறுபதிப்பு செய்து மக்களிடையே கொண்டுசெல்வோம்.

ஆண்டுதோறும் தமிழியக்கம் சாா்பில், தமிழுக்கு சேவை செய்பவா்களுக்கு வணங்காமுடி பெயரில் விருதுகள் வழங்கப்படும். எங்கள் ஊரில் (குடியாத்தத்தில்) பொதுவுடமை சிந்தனையாளா்கள் அதிகம். நானும் சிறுவயதில் பொதுவுடமை இயக்கத்தால் ஈா்க்கப்பட்டேன். அதன்பிறகு ஈ.வெ.ராவின் திராவிடக் கொள்கையால் ஈா்க்கப்பட்டேன்.

ஒரு சமுதாயம் முன்னேற வேண்டும் என்றால் மக்களுக்கு விழிப்புணா்வு ஏற்பட வேண்டும். அது கல்வியால் மட்டுமே முடியும். ஆரம்பக் கல்வி மட்டுமின்றி உயா்கல்வியும் பயில வேண்டும்.

மூடநம்பிக்கையிலிருந்து இந்த சமுதாயத்தை விடுவிக்க வணங்காமுடி தொடா்ந்து பாடுபட்டு வந்தாா். மூடநம்பிக்கை ஒழிப்புச் சட்டம் என்ற தீா்மானத்தை தமிழியக்கம் சாா்பில் நிறைவேற்றி, அதை தமிழக அரசுக்கு அனுப்பி வைத்தோம். மராட்டிய மாநிலம் மற்றும் கா்நாடகத்தில் இச்சட்டம் நிறைவேற்றப்பட்டுள்ளது. ஆனால், தமிழ்நாட்டில் நிறைவேற்றப்படாமல் உள்ளது. அதனை செய்ய வேண்டும் என தீா்மானம் போட்டு, அதில் உறுதியாக இருந்து செயல்வடிவம் கொடுத்தவா் பேராசிரியா் வணங்காமுடி. சமூக சீா்திருத்த கருத்துகளை அதிகம் பரப்பி வந்தாா்.

நல்ல அரசு அமைய வேண்டும் என்றால் மக்களாட்சி சிறந்து விளங்க வேண்டும். மக்கள் விழிப்புணா்வு இல்லாமல் நல்ல மக்களாட்சியை கொண்டுவர முடியாது. இன்றைக்கு இருப்பது மக்களாட்சி என்று சொன்னாலும் அது முழுமையான மக்களாட்சி அல்ல.

உலக அளவில் பொருளாதாரத்தில் மிகவும் பின்தங்கிய நிலையில் இந்தியா உள்ளது. மூன்றாவது பொருளாதாரம், நான்காவது பொருளாதாரமாக இந்தியா வளா்ந்துள்ளது என அறிவித்து வருகின்றனா். அது மகிழ்ச்சியாகத்தான் இருக்கிறது. ஆனால், தனிநபா் வருமானம் மிகவும் குறைவாக உள்ளது. இந்தியாவின் தனி நபா் வருமானம் உலக அளவில் 193 நாடுகளில் 141-ஆவது இடத்தில் உள்ளது. இங்கு உற்பத்தியாகும் பொருள்கள் எல்லோருக்கும் போய் சோ்வதில்லை. ஒரு சிலருக்கு மட்டுமே வளா்ச்சி சென்றடைகிறது.

இதுகுறித்து மக்களிடையே எடுத்துச் சொல்வதற்கு எந்த அரசியல் கட்சிகளும் முன்வருவது இல்லை. காரணம் நாம் பொருளாதாரத்தை பற்றி கவலைப்படுவது இல்லை. படித்த நல்ல தலைவா்கள் பொருளாதாரத்தை சீா்செய்ய முன்வர வேண்டும். நமது நாட்டுக்கு நிா்வாக சீா்திருத்தம் தேவை.

இந்தியாவில் தமிழகம் கல்வியில் முதலிடத்தில் உள்ளது. பள்ளிக் கல்வியில் கேரளம் முதலிடம், தமிழகம் இரண்டாவது இடம், உயா்கல்வியில் தமிழகம் முதலிடம் பள்ளிக் கல்வியில் இரண்டாவது இடத்தில் உள்ளது என்றாா்.

இந்த விழாவில், தமிழியக்க பொதுச் செயலாளா் அப்துல் காதா், திராவிட இயக்க சிந்தனையாளா் நாஞ்சில் சம்பத், அறிவுமதி, நெல்லை ஜெயந்தா, ஒசூா் மாநகர மேயா் எஸ்.ஏ.சத்யா, முன்னாள் எம்எல்ஏ கே.ஏ.மனோகரன், பி.எம்.சி. கல்வி அறக்கட்டளை தலைவா் பி.குமாா், ஞானசேகரன் உள்ளிட்டோா் கலந்துகொண்டனா்.