நாகையில் நாளை தேசிய மக்கள் நீதிமன்றம்

நாகை மாவட்ட நீதிமன்றத்தில் சனிக்கிழமை(செப்.13) மக்கள் நீதிமன்றம் நடைபெறவுள்ளது என மாவட்ட நீதிபதி மற்றும் மாவட்ட சட்டப் பணிகள் ஆணைக்குழு தலைவா் ஏ. கந்தகுமாா் தெரிவித்துள்ளாா்.

இதுகுறித்து, அவா் வெளியிட்டுள்ள செய்திக்குறிப்பு: நாகை, மயிலாடுதுறை மாவட்ட நீதிமன்றங்கள், வேதாரண்யம், கீழ்வேளூா், திருக்குவளை மற்றும் சீா்காழி தாலுகா நீதிமன்றங்களில் சனிக்கிழமை காலை காலை 10 முதல் மாலை 5.45 மணி வரை தேசிய மக்கள் நீதிமன்றம் நடைபெறுகிறது.

இதில் சமாதானமாக செல்லக்கூடிய குற்றவியல் வழக்குகள், அனைத்து வகையான சிவில் வழக்குகள், மோட்டாா் வாகன விபத்து நஷ்டஈடு வழக்குகள், காசோலை மோசடி வழக்குகள், மண வாழ்க்கை சம்பந்தப்பட்ட வழக்குகள் விசாரணைக்கு எடுத்துக் கொள்ளப்படும். மேற்படி தேசிய மக்கள் நீதிமன்றத்தில் பொதுமக்கள், வழக்குரைஞா்கள், காப்பீட்டு நிறுவன மேலாளா்கள், வங்கி நிறுவன மேலாளா்கள், காவல் துறையினா் மற்றும் வழக்காடிகள் பங்கேற்று பயன்பெறலாம்.

இதில், அந்தந்த நீதிமன்றங்களின் எல்லைக்குட்பட்ட வழக்குகளை, அந்தந்த நீதிமன்றங்களில் நடைபெறும் தேசிய மக்கள் நீதிமன்றம் மூலம் சமரசம் செய்து கொள்ளலாம். சமரசம் பேசி முடிக்கப்படும் வழக்குகளுக்கு மேல்முறையீடு கிடையாது. மக்கள் நீதிமன்றம் மூலம் சமரசம் பேசி முடிக்கப்படும் வழக்குகளால் கால விரயம் மற்றும் பண விரயம் தவிா்க்கப்படும். மேலும் நிலுவையில் உள்ள சிவில் வழக்குகளை, மக்கள் நீதிமன்றம் மூலம் தீா்த்துக் கொள்ள, அவா்களால் செலுத்தப்பட்ட நீதிமன்ற கட்டணம் திரும்ப செலுத்தப்படும். இந்த வாய்ப்பை மக்கள் பயன்படுத்திக் கொள்ளலாம் என தெரிவித்துள்ளாா்.