நாராயணசுவாமி கோயிலில் ஆவணித் திருவிழா கொடியேற்றம்

திருநெல்வேலி மாவட்டம், சேரன்மகாதேவி அருகே அருள்மிகு நாராயணசுவாமி கோயிலில் ஆவணித் திருவிழா கொடியேற்றம் வியாழக்கிழமை நடைபெற்றது .

சேரன்மகாதேவி அருகே திருவிதத்தான்புள்ளி வேலியாா்குளத்தில் உள்ள இக்கோயிலில் 11 நாள்கள் நடைபெறும் இத்திருவிழாவில் தினமும் அதிகாலை 5 மணிக்கு பணி விடை, தா்மம், நண்பகல் 12 மணிக்கு பணிவிடை, உச்சிப்படிப்பு, தா்மம், மாலை 6 மணிக்கு திருஏடு வாசிப்பு, இரவு 7 மணிக்கு அய்யாவுக்கு பணிவிடை ஆகியவை நடைபெறுகிறது.

அய்யா கருட வாகனம், குதிரை வாகனம், அனுமன் வாகனம், இந்திர வாகனத்தில் பவனி வந்து சுருள் பெறும் நிகழ்ச்சியும், அய்யாவை நாகத் தொட்டில் ஊஞ்சலில் வைத்து தாலாட்டும் நிகழ்வும் நடைபெறுகிறது.