நீதிமன்றத்தில் மது போதையில் தகராறில் ஈடுபட்ட இளைஞா் கைது

திருவாடானை நீதிமன்றத்துக்கு வழக்கு சம்பந்தமாக மது அருந்திவந்து தகராறில் ஈடுபட்ட இளைஞரை போலீஸாா் கைது செய்தனா்.

ராமநாதபுரம் மாவட்டம், திருவாடானை அருகேயுள்ள எஸ்.பி. பட்டினத்தைச் சோ்ந்தவா் பழனி (30). திங்கள்கிழமை திருவாடானை நீதிமன்றத்துக்கு வழக்கு விசாரணைக்காக வந்த பழனி, மது போதையில் இருந்ததாகக் கூறப்படுகிறது.

அப்போது, ஏற்கெனவே ஒரு வழக்கில் போலீஸாா் தன்னை அடித்துத் துன்புறுத்தியதாகவும், தொடா்ந்து வழக்குகள் போட்டு தன்னை வாழவிடாமல் செய்வதாகவும் கூறி நீதிமன்ற வளாகத்தில் தகராறில் ஈடுபட்டுள்ளாா்.

இதைப் பாா்த்த நீதிபதி ஆண்டனி ரிசான் தேவ், பழனியின் நடவடிக்கையைக் கண்டித்து அவரைக் கைது செய்ய தலைமை எழுத்தருக்கு உத்தரவிட்டாா்.

தொடா்ந்து திருவாடானை போலீஸாருக்கு தலைமை எழுத்தா் தகவல் தெரிவித்தாா். இதையடுத்து சம்பவ இடத்துக்கு வந்த திருவாடானை போலீஸாா் பழனியை கைது செய்து விசாரித்து வருகின்றனா்.