நெல்லை மாவட்டத்தில் அதிகரிக்கும் ஆன்லைன் மோசடி: எஸ்.பி. என். சிலம்பரசன் எச்சரிக்கை

திருநெல்வேலி மாவட்டத்தில் ஆன்லைன் மோசடி அதிகரித்து வருவதால் பொதுமக்கள் எச்சரிக்கையாக இருக்குமாறு சைபா் கிரைம் போலீஸாா் எச்சரித்துள்ளனா்.

தமிழகத்தில் ஆன்லைன் மூலம் பணம் மோசடி நடைபெறுவது அண்மைக் காலமாக அதிகரித்து வருகிறது. பணம் இரட்டிப்பு, பகுதி நேர வேலை, ஆன்லைன் மூலம் கடன் பெறுதல் என பல்வேறு வகைகளில் செயலிகள் மூலமாக ஏராளமானவா்கள் தங்களது பணத்தை இழந்து வருகின்றனா். திருநெல்வேலி மாநகரம் மற்றும் மாவட்டத்தின் பல்வேறு பகுதிகளில் தற்போது ஆன்லைனில் பகுதி நேர வேலை என்ற பெயரில் மோசடி கும்பல்கள் நடத்தி வரும் தொடா் கைவரிசையால், கடந்த சில மாதங்களில் ஏராளமானோா் பல லட்சங்களை இழந்து தவிக்கின்றனா்.

கடந்த சில மாதங்களுக்கு முன்பு பாளையங்கோட்டை பெருமாள்புரம் பகுதியைச் சோ்ந்த 25 வயது எலக்ட்ரீசியன் ஒருவா் முகநூல் மூலம் ஏற்பட்ட நட்பு மூலம் பணத்தை இழந்துள்ளாா். எதிா் முனையில் பழகிய பெண் ஒருவா் தன்னை அயா்லாந்தில் வசிப்பதாக அறிமுகப்படுத்திக் கொண்டதோடு, பகுதி நேர வேலை மூலம் அதிக வருமானம் ஈட்டலாம் என ஆசை வாா்த்தைக் காட்டி உள்ளாா்.

அதை நம்பிய எலக்ட்ரீசியன், தனியாா் வங்கியில் ரூ.3 லட்சம் ஆன்லைன் கடன் பெற்று ரூ.7.94 லட்சத்தை இழந்தது தெரியவந்துள்ளது.

இதேபோல், திருநெல்வேலி மாவட்டம், முன்னீா்பள்ளத்தைச் சோ்ந்த பத்திர எழுத்தா் ஒருவா் இதே போன்ற மோசடியில் சிக்கி ரூ.5 லட்சத்தை இழந்துள்ளாா். மேலும், நான்குனேரி அருகேயுள்ள மலையன்குளம் கிராமத்தைச் சோ்ந்த பட்டதாரி இளம்பெண் ஆன்லைனில் பகுதி நேர வேலை என நம்பி சமீபத்தில் ரூ.5.91 லட்சத்தை இழந்துள்ளாா்.

இந்த மோசடி கும்பல்கள் பணத்தை அனுப்ப சொல்லும் வங்கி கணக்குகள் பெரும்பாலும் ஏழை மக்களை குறிவைத்து, சிறிய கமிஷன் தொகைக்கு ஆசை காட்டி அவா்களது பெயரில் தொடங்கப்பட்ட சட்டவிரோத கணக்குகளாகவே இருக்கின்றன. இதனால் உண்மையான குற்றவாளிகளை கண்டுபிடிப்பது சைபா் கிரைம் போலீஸாருக்கு சவாலாக உள்ளது.

இது தொடா்பாக சைபா் கிரைம் போலீஸாா் கூறுகையில், ‘சமூக வலை தளங்களில் அறிமுகமாகும் அடையாளம் தெரியாத நபா்களிடம் எச்சரிக்கையாக இருக்க வேண்டும். குறைந்த முதலீடு, அதிக லாபம், பகுதி நேர வேலையில் பல மடங்கு சம்பாதிக்கலாம் என்பன போன்ற கவா்ச்சிகரமான விளம்பரங்களை நம்ப வேண்டாம்.

ஒருவேளை ஏமாற்றப்பட்டால், உடனடியாக தேசிய சைபா் கிரைம் உதவி எண்ணில் (1932) புகாா் தெரிவிக்க வேண்டும் அல்லது ஜ்ஜ்ஜ்.ஸ்ரீஹ்க்ஷங்ழ்ஸ்ரீழ்ண்ம்ங்.ஞ்ா்ஸ்.ண்ய் என்ற இணையதளத்தில் புகாா் அளிக்க வேண்டும். இதன் மூலம் பணப் பரிவா்த்தனையை முடக்க வாய்ப்புள்ளது’ என்றனா்.