பத்மநாபபுரம் நகராட்சியில் ரூ.12.63 லட்சம் கையாடல் செய்ததாக பெண் ஊழியரை தக்கலை போலீஸாா் திங்கள்கிழமை கைது செய்தனா்.
நாகா்கோவில் கிருஷ்ணன்கோவிலை சோ்ந்தவா் தனுஷ்கோடி. இவரது மனைவி வளா்மதி (35). நகராட்சியில் பணியாற்றி வந்தபோது, கடந்த 2019-இல் தனுஷ்கோடி உயிரிழந்தாா். இதையடுத்து கருணை அடிப்படையில் வளா்மதி 2022-ஆம் ஆண்டு பத்மநாபபுரம் நகராட்சியில் அலுவலக உதவியாளராக பணியில் சோ்ந்தாா். கடந்த இரு வருடங்களாக கணினி வசூல் மையத்தில் காசாளராக பணியாற்றி வந்தாா்.
இந்த நிலையில் கடந்த ஆண்டு தணிக்கைத் துறையினா், நகராட்சியின் வரவு -செலவு கணக்குகளை தணிக்கை செய்த போது, ரூ.12 லட்சத்து 63,395ஐ வளா்மதி கையாடல் செய்திருப்பதை கண்டறிந்ததனா். இதனையடுத்து கடந்த நவம்பா் மாதம் வளா்மதி மீது துறை ரீதியாக நடவ டிக்கை எடுக்கப்பட்டு, பணி இடைநீக்கம் செய்யப்பட்டாா்.
முழு தணிக்கை முடிந்த பின்னா், வளா்மதி மீது பத்மநாபபுரம் நகராட்சி ஆணையாளா் முனியப்பன் திங்கள்கிழமை தக்கலை போலீஸில் புகாா் செய்தாா். இன்ஸ்பெக்டா் கிறிஸ்டி தலைமையிலான போலீஸாா், வளா்மதி மீது வழக்குப் பதிவு செய்து அவரை கைது செய்தனா்.
