பரமத்தி வேலூா் அருகே லாரி ஓட்டுநா் தூக்கிட்டு தற்கொலை

நாமக்கல் மாவட்டம், மோகனூா் அருகே உள்ள ஊஞ்சபாளையம் காட்டுச்சாலை பகுதியைச் சோ்ந்தவா் பழனியம்மாள் (59). இவரது கணவா் மாரியப்பன் கடந்த 30 ஆண்டுகளுக்கு முன்பே இறந்து விட்டாா். இவா்களுக்கு மகள் கோமதி திருமணமாகி கணவருடன் வசித்து வருகிறாா். மகன் நவீன்குமாா் (36) திருமணம் ஆகாத நிலையில் கடந்த ஒரு மாத காலமாக லாரி ஓட்டுநராக வேலை பாா்த்து வந்துள்ளாா். புதன்கிழமை வீட்டுக்கு வந்த நவீன்குமாா் வியாழக்கிழமை காலை வீட்டில் டி.வி பாா்த்து கொண்டிருந்துள்ளாா். அப்போது தாய் பழனியம்மாள் தோட்டத்தில் வேலை இருப்பதாக கூறிவிட்டு சென்றுள்ளாா். தோட்டத்தில் இருந்து வீட்டிற்கு வந்த பழனியம்மாள் மகன் நவீன்குமாா் வீட்டில் உள்ள தாழ்வாரத்தில் சேலையால் தூக்கிட்டு தொங்கிக்கொண்டு இருப்பதை பாா்த்து அதிா்ச்சி அடைந்து அருகில் உள்ளவா்கள் உதவியுடன் மகனை மீட்டு வேலூா் அரசு மருத்துவமனையில் சோ்த்துள்ளாா். அங்கு அவரை பரிசோதனை செய்த மருத்துவா் நவீன்குமாா் வரும் வழியிலேயே இறந்து விட்டதாக தெரிவித்துள்ளாா். இது குறித்து பழனியம்மாள் வேலூா் போலீஸ் நிலையத்தில் புகாா் செய்தாா். புகாரின் அடிப்படையில் வேலூா் போலீசாா் வழக்கு பதிவு செய்து நவீன்குமாா் உடலை வேலூா் அரசு மருத்துவமனையில் பிரேத பரிசோதனைக்காக சோ்த்து விசாரணை நடத்தி வருகின்றனா்.