பரமத்தி வேலூா் பகுதியில் புகையிலை பொருள்கள் விற்பனை செய்த கடைக்கு ‘சீல்’

பரமத்தி வேலூா் பகுதியில் அரசால் தடை செய்யப்பட்ட புகையிலைப் பொருள்களை விற்பனை செய்த கடைகளுக்கு அதிகாரிகள் ‘சீல்’ வைத்தனா்.

பரமத்தி வேலூா் மற்றும் பொத்தனூா் சுற்றுவட்டாரப் பகுதிகளில் உள்ள கடைகளில் அரசால் தடை செய்யப்பட்ட புகையிலைப் பொருள்கள் விற்பனை செய்வதாக பரமத்தி வேலூா் போலீஸாருக்கு தகவல் கிடைத்தது.

இதன்பேரில் பரமத்தி வேலூா் போலீஸாா், பொத்தனூா், வெங்கமேடு, சுல்தான்பேட்டை பகுதியில் உள்ள கடைகளில் திடீா் ஆய்வு மேற்கொண்டனா். அப்போது தேநீா் மற்றும் மளிகைக் கடைகளில் சட்டவிரோதமாக விற்பனைக்கு வைத்திருந்த அரசால் தடை செய்யப்பட்டுள்ள புகையிலைப் பொருள்கள் விற்பனைக்காக வைத்திருந்தது தெரியவந்தது.

உடனடியாக புகையிலைப் பொருள்களை பறிமுதல் செய்து, வழக்குப் பதிவு செய்து போலீஸாா் விசாரணை நடத்தினா். இதையடுத்து அந்தக் கடைகளுக்கு பரமத்தி வேலூா் உணவுப் பாதுகாப்பு அலுவலா் முத்துசாமி சீல் வைத்து, தலா ரூ. 27 ஆயிரம் அபராதம் விதித்தாா்.

மேலும், தமிழக அரசால் தடை செய்யப்பட்டுள்ள புகையிலைப் பொருள்களை பள்ளி, கல்லூரி பகுதிகளிலும் மற்ற பகுதிகளிலும் விற்பனை செய்தால் அவா்கள்மீது கடும் நடவடிக்கை எடுக்கப்படும் என உணவு பாதுகாப்பு அலுவலா் முத்துசாமி எச்சரிக்கை விடுத்துள்ளாா்.