கன்னியாகுமரி அருகே மாதவபுரம் பகுதியில் நடைபெற்ற திருவிழாவில் ஏற்பட்ட தகராறில், பள்ளி மாணவரை கம்பியால் குத்திக் கொலை செய்ததாக, கல்லூரி மாணவரை போலீஸாா் திங்கள்கிழமை கைது செய்தனா்.
கன்னியாகுமரி அருகே மாதவபுரத்தைச் சோ்ந்தவா் கண்ணன். இவா், செங்கல் சூளை தொழில் செய்து வருகிறாா். இவரது மகன் விஷ்ணு பரத் (17). இவா், மாதவபுரத்தில் அமைந்துள்ள கோயில் திருவிழாவுக்காக ஞாயிற்றுக்கிழமை இரவு சென்றிருந்தாா். அப்போது, சுவாமிநாதபுரத்தைச் சோ்ந்த கல்லூரி மாணவரான சந்துரு (21) என்பவருக்கும், விஷ்ணு பரத்துக்கும் தகராறு ஏற்பட்டது.
இதில், ஆத்திரமடைந்த சந்துரு தனது கையில் வைத்திருந்த கூா்மையான கம்பியால் விஷ்ணு பரத்தின் மாா்பில் குத்தியுள்ளாா். இதில், பலத்த காயமடைந்த அவா் சம்பவ இடத்திலேயே உயிரிழந்தாா்.
தகவலறிந்த போலீஸாா் சம்பவ இடத்துக்கு வ ந்து விஷ்ணு பரத்தின் சடலத்தை மீட்டு உடல்கூறாய்வு சோதனைக்காக ஆசாரிப்பள்ளம் அரசுமருத்துவக் கல்லூரி மருத்துவமனைக்கு அனுப்பி வைத்தனா்.
சந்துரு, சம்பவ இடத்தில் இருந்து தப்பி ஓடிய நிலையில், தனிப்படை போலீஸாா் அவரை கூடங்குளம் பகுதியில் கைது செய்து தீவிர விசாரணை நடத்தி வருகின்றனா்.
