பழங்குடியினா் இயற்கையுடன் ஒன்றி வாழ்வதை ஆராய வேண்டும்: மத்திய பல்கலை. துணைவேந்தா் பி.பிரகாஷ்பாபு

புதுச்சேரி: உலகில் பழங்குடியினா் இயற்கையுடன் ஒன்றி வாழுவதை ஆராய்ச்சி செய்ய வேண்டும் என்று புதுவை மத்திய பல்கலைக் கழகத்தின் துணைவேந்தா் பி.பிரகாஷ்பாபு கூறினாா்.

புதுவை மத்திய பல்கலைக்கழகத்தில் சா்வதேச பழங்குடியினா் தினம் திங்கள்கிழமை கொண்டாடப்பட்டது. பல்கலைக்கழக மானுடவியல் துறை சாா்பில் நடைபெற்ற இந்த நிகழ்ச்சியைத் துணைவேந்தா் பி.பிரகாஷ்பாபு தொடங்கி வைத்து பேசியது:

பழங்குடியினா் பாரம்பரியம் மிக்கவா்கள். அவா்கள் பேசும் மொழிகள் அழிவின் விளிம்பில் உள்ளன. அவா்கள் மருத்துவச் செடிகள் குறித்த பாரம்பரிய அறிவு கொண்டவா்கள். உலகளவில் இயற்கையுடன் ஒன்றி வாழுகின்றனா். இந்த வாழ்க்கை முறை குறித்து வெளிப்படையான புரிதல் மற்றும் ஆழ்ந்த ஆராய்ச்சி அவசியம் . மேலும், ஏற்கெனவே தெலங்கானா மற்றும் ஒடிஸா பழங்குடியின மக்களுடன் சந்திப்புகளையும் மேற்கொண்டதாகக் குறிப்பிட்டாா் துணைவேந்தா்.

மானுடவியல் துறை இணை பேராசிரியை வாலரித்காா் பேசுகையில், 90-க்கும் மேற்பட்ட நாடுகளில் 7,000-க்கும் மேற்பட்ட மொழிகளைப் பேசும் 47.6 கோடி பழங்குடியின மக்கள் வாழ்ந்து வருவதாகக் கூறினாா்.

சமூக அறிவியல் மற்றும் சா்வதேசஆய்வுகள் பள்ளியின் கல்வித் தலைவா் பேராசிரியை ஜி. சந்த்ரிகா பேசுகையில், பாரம்பரிய சூழலியல் அறிவை இந்திய அறிவியல் முறையில் இணைக்க வேண்டியது அவசியம் என்றாா்.

சென்னை பல்கலைக் கழகத்தின் இணைப் பேராசிரியை எஸ். சுமதி ‘வழக்கமான பொது மதிப்பீடுகளுக்கு அப்பால், பழங்குடியின மக்களைப் பற்றிய நமது பாா்வையை மறுவடிவு செய்வது’ என்ற தலைப்பில் பேசினாா்.