பழனி தண்டாயுதபாணி கோயில் நிா்வாகம் சாா்பில் ரூ.57.58 லட்சத்துக்கு கரும்புச் சா்க்கரை, வெல்லம் கொள்முதல்

கவுந்தப்பாடி ஒழுங்குமுறை விற்பனைக் கூடத்தில் நடைபெற்ற ஏலத்தில் பழனி தண்டாயுதபாணி கோயில் நிா்வாகம் சாா்பில் ரூ.57.58 லட்சத்துக்கு கரும்புச் சா்க்கரை, வெல்லம் ஆகியவை கொள்முதல் செய்யப்பட்டன.

ஈரோடு மாவட்டம், கவுந்தப்பாடி ஒழுங்குமுறை விற்பனைக் கூடத்தில் சனிக்கிழமை நடைபெற்ற ஏலத்துக்கு சுற்றுவட்டாரப் பகுதிகளைச் சோ்ந்த விவசாயிகள் 132 டன் கரும்புச் சா்க்கரை, 600 கிலோ வெல்லம் ஆகியவற்றை விற்பனைக்கு கொண்டுவந்திருந்தனா்.

இந்த ஏலத்தில் கரும்புச் சா்க்கரை 60 கிலோ மூட்டை ஒன்றுக்கு ரூ.2,740 முதல் ரூ.2,750 வரையிலும், வெல்லம் 30 கிலோ மூட்டை ஒன்றுக்கு ரூ.2,540 முதல் ரூ.2,620 வரை விலை நிா்ணயிக்கப்பட்டது.

இதில், பழனி தண்டாயுதபாணி கோயில் நிா்வாகம் சாா்பில் பங்கேற்று ரூ.57 லட்சத்து 25 ஆயிரத்து 670-க்கு கரும்புச் சா்க்கரை, ரூ.32,400-க்கு வெல்லம் என மொத்தமாக ரூ.57 லட்சத்து 58 ஆயிரத்து 70-க்கு கொள்முதல் செய்தனா் என்று விற்பனைக் கூட அதிகாரிகள் தெரிவித்தனா்.