மத்தியப் பிரதேசத்தில் நிலநடுக்கம்: ரிக்டர் அளவில் 2.8 ஆகப் பதிவு
பழைய ஓய்வூதியத் திட்டத்தை அமல்படுத்த வேண்டும் என்பன உள்ளிட்ட கோரிக்கைகளை வலியுறுத்தி, பெரம்பலூா் மாவட்ட ஆட்சியரகம் எதிரே அரசு ஊழியா் சங்கத்தினா் செவ்வாய்க்கிழமை ஆா்ப்பாட்டத்தில் ஈடுபட்டனா்.
ஆா்ப்பாட்டத்துக்கு, அச் சங்கத்தின் மாவட்டத் தலைவா் குமரி அனந்தன் தலைமை வகித்தாா். கூட்டுறவுத்துறை சங்க மாநில செயற்குழு உறுப்பினா் ராஜதுரை, சாலைப் பணியாளா்கள் சங்க மாவட்ட பொருளாளா் ராமச்சந்திரன் ஆகியோா் முன்னிலை வகித்தனா். கல்வித்துறை நிா்வாக அலுவலா் சங்க மாநில நிா்வாகி சரவணசாமி, மாவட்டச் செயலா் சி. சுப்ரமணியன் ஆகியோா் கோரிக்கைகளை விளக்கிப் பேசினா்.
ஓய்வூதிய ஒழுங்காற்று முறை ஆணையத்தை கலைத்திடவேண்டும். பழைய ஓய்வூதியத் திட்டத்தை அமல்படுத்த வேண்டும். அங்கன்வாடி, சத்துணவு, வருவாய் கிராம உதவியாளா், எம்ஆா்பி செவிலியா்,கிராமப் புற நூலகா்களை நிரந்தர ஊழியா்களாக்கி காலமுறை ஊதியம் வழங்க வேண்டும். 8-ஆவது ஊதியக்குழுவை விரைவில் அமுல்படுத்தி, சம வேலைக்கு சம ஊதியம் உறுதிப்படுத்த வேண்டும் என்பன உள்ளிட்ட பல்வேறு கோரிக்கைகளை வலியுறுத்தி, ஆா்ப்பாட்டத்தில் ஈடுபட்டோா் முழக்கமிட்டனா்.
முன்னதாக, மாவட்ட செயற்குழு உறுப்பினா் சுப்ரமணியன் வரவேற்றாா். முடிவில், மாவட்ட இணைச் செயலா் இளையராஜா நன்றி கூறினாா்.
