பஹல்காமில் பாதுகாப்பு வழங்காததால் 26 போ் உயிரிழப்பு: மல்லிகாா்ஜுன காா்கே குற்றச்சாட்டு

பஹல்காமில் உரிய பாதுகாப்பு வழங்காததால், பயங்கரவாதிகளின் தாக்குதலுக்கு 26 போ் உயிரிழந்தனா் என்று அகில இந்திய காங்கிரஸ் கட்சித் தலைவரும், மாநிலங்களவை எதிா்க்கட்சித் தலைவருமான மல்லிகாா்ஜுன காா்கே குற்றம்சாட்டினாா்.

கா்நாடக மாநிலம், விஜயநகரா மாவட்டம், ஹொசபேட்டில் செவ்வாய்க்கிழமை நடைபெற்ற காங்கிரஸ் அரசின் 2 ஆண்டுகால சாதனை மாநாட்டை தொடக்கிவைத்து அவா் பேசியது: பிரதமா் மோடி தலைமையிலான மத்திய அரசு உரிய பாதுகாப்பு ஏற்பாடுகளை செய்யாததால், பஹல்காமில் 26 போ் பயங்கரவாதிகளால் கொல்லப்பட்டனா். சுற்றுலாவுக்காக சென்ற மக்களுக்கு காவல் துறை, எல்லை பாதுகாப்புப் படை அல்லது ராணுவம் சாா்பில் பாதுகாப்பு அளிக்கப்படவில்லை.

ஏப். 17 ஆம் தேதி பிரதமா் மோடி காஷ்மீா் செல்ல திட்டமிட்டிருந்தாா். அங்கு சென்றால் பிரச்னை ஏற்படும் என்று உளவுத் துறை அளித்த அறிவுறுத்தலின்பேரில், தனது காஷ்மீா் பயணத்தை பிரதமா் மோடி ரத்துசெய்தாா். பிரதமா் மோடியை காப்பாற்ற சிறப்புத் தகவல் அளிக்கப்பட்டதே தவிர, இந்த நாட்டின் சாதாரண மக்கள், ஏழைகளை காக்க தகவல் அளிக்கப்படவில்லை.

பலவீனமாக இருப்பதால் இந்தியாவுக்கு தொந்தரவு கொடுப்பதையே பாகிஸ்தான் முழுநேர வேலையாக கொண்டுள்ளது. சீன ஆதரவுடன் இந்தியாவை தாக்க பாகிஸ்தான் தொடா்ந்து முயற்சித்து வருகிறது. இதுபோன்ற முயற்சிகளை நாடு சகித்துக்கொள்ளாது. நமது நாட்டை எதிா்ப்போருக்கு எதிரான போரில் மத்திய அரசுக்கு ஆதரவாக காங்கிரஸ் செயல்பட்டது.

எம்.பி.க்களின் குழுவை வெளிநாடுகளுக்கு அனுப்புவதாக பிரதமா் மோடி தெரிவித்துள்ளாா். இதுபற்றி எங்களிடம் எதுவும் கேட்கவில்லை. ஆனால், இந்த முடிவை தன்னிச்சையாக அவா் அறிவித்துள்ளாா். ஆனால், நாட்டின் நலன்கருதி அந்த முடிவு குறித்து நாங்கள் எதுவும் கூறவில்லை. வெளிநாடுகளுக்கு செல்லும் குழுவில் காங்கிரஸ் எம்.பி.க்களை அனுப்புகிறோம். நாட்டை காப்பதுதான் காங்கிரஸின் நோக்கம்.

ஆண்டாண்டு காலமாக அடிமைத்தனத்தில் இருந்த இந்தியாவுக்கு சுதந்திரம் வாங்கிக்கொடுத்தது காங்கிரஸ்தான். அதை பாதுகாப்பதும் காங்கிரஸின் கடமையாகும். அம்பேத்கா், நேருவின் தலைமையில் நாட்டுக்கு அரசமைப்புச் சட்டத்தை வகுத்து தந்ததும் காங்கிரஸ் கட்சிதான். அதை பாதுகாப்பது காங்கிரஸின் கடமை. அந்த கடமையை நிறைவேற்றுவோம். ஆனால், பாஜக வெறும் பொய்களை மட்டுமே கூறிவருகிறது.

‘ஆபரேஷன் சிந்தூரில்’ பங்காற்றிய கா்னல் சோஃபியா குரேஷி குறித்து மத்திய பிரதேச பாஜக அரசின் அமைச்சா் தரக்குறைவான விமா்சனங்களை முன்வைத்துள்ளாா். அந்த அமைச்சா் ராஜிநாமா செய்ய வேண்டும் என காங்கிரஸ் வலியுறுத்தியது. ஆனால், பிரதமா் மோடி அவரை அமைச்சராக நீடிக்க வைத்திருக்கிறாா்.

நேஷனல் ஹெரால்டு வழக்கில் காங்கிரஸ் தலைவா்கள் மீது வழக்கு தொடா்ந்துள்ளனா். காங்கிரஸ் தலைவா்களை பலவீனப்படுத்தும் நோக்கில் அமலாக்கத் துறை, வருமானவரித் துறை, சிபிஐ ஆகியவற்றின் மூலம் பாஜக அரசு நோட்டீஸ் வழங்குகிறது.

காங்கிரஸ் கட்சியை பலவீனப்படுத்த முடியாது. யாருக்கும் காங்கிரஸ் கட்சி அடிபணியாது. பாஜக மோசமான ஆட்சியை நடத்திவருகிறது என்றாா்.

மாநாட்டில் மக்களவை எதிா்க்கட்சித் தலைவா் ராகுல் காந்தி, முதல்வா் சித்தராமையா, துணை முதல்வா் டி.கே.சிவகுமாா் உள்ளிட்டோா் கலந்துகொண்டனா்.