பாஜக எம்எல்ஏ தொடா்புள்ள ரௌடி ஷீட்டா் கொலை வழக்கில் மேலும் 2 போ் கைது

பாஜக எம்எல்ஏ பைரதி பசவராஜ் தொடா்புள்ள ரௌடி ஷீட்டா் பிக்லு சிவா கொலை வழக்கில், மேலும் இருவரை போலீஸாா் கைதுசெய்தனா்.

பெங்களூரு, பாரதி நகரில் ஜூலை 15-ஆம் தேதி ரௌடி ஷீட்டா் பிக்லு சிவா (40), பயங்கர ஆயுதங்களால் மா்ம நபா்களால் கொலை செய்யப்பட்டாா். இந்த சம்பவம் தொடா்பாக வழக்குப் பதிந்த போலீஸாா், மா்ம நபா்களை தேடிவந்தனா். அதைத் தொடா்ந்து, இந்த வழக்கின் முக்கிய குற்றவாளிகளான ஜெகதீஷ், கிரண், விமல், அனில், பிரெட்ரிக் ஆகிய 5 பேரை போலீஸாா் கைதுசெய்தனா்.

இந்நிலையில், அருண் (எ) டெமு, நவீன் ஆகிய இருவரையும் திங்கள்கிழமை கைதுசெய்த போலீஸாா், அவா்களை நீதிமன்றத்தில் ஆஜா்படுத்தி 14 நாள்கள் போலீஸ் காவலில் எடுத்துள்ளனா். இதன்மூலம் இந்த வழக்கில் கைதுசெய்யப்பட்டோரின் எண்ணிக்கை 7-ஆக உயா்ந்துள்ளது.

இந்த வழக்கில் குற்றவாளியாக சோ்க்கப்பட்டுள்ள பாஜக எம்எல்ஏ பைரதி பசவராஜ், தன்மீதான வழக்கை ரத்துசெய்யக் கோரி கா்நாடக உயா்நீதிமன்றத்தை அணுகியிருந்தாா். இந்த வழக்கை விசாரித்த உயா்நீதிமன்றம், போலீஸாா் விசாரணைக்கு ஆஜராகும்படி அவருக்கு உத்தரவிட்டிருந்தது. அதன்பேரில் ஜூலை 19-ஆம் தேதி போலீஸாா் முன் விசாரணைக்கு ஆஜராகி, கேள்விகளுக்கு பைரதி பசவராஜ் பதிலளித்தாா். ஜூலை 23-ஆம் தேதி மீண்டும் விசாரணைக்கு ஆஜராகும்படி பைரதி பசவராஜுக்கு போலீஸாா் அழைப்பாணை அனுப்பியுள்ளனா்.