``சரியானவர்களை பின்பற்ற வேண்டும்; இல்லையென்றால் தவறாக வழிநடத்தப்படுவோம்'' - இயக்...
மேல்மலையனூா் அருகே 15 வயது சிறுமியை பாலியல் வன்கொடுமை செய்து, கொலை செய்ய முயன்ற வழக்கில் இளைஞருக்கு விழுப்புரம் போக்ஸோ நீதிமன்றம் 20 ஆண்டுகள் சிறை தண்டனை விதித்து செவ்வாய்க்கிழமை தீா்ப்பளித்தது.
விழுப்புரம் மாவட்டம், மேல்மலையனூா் வட்டம், சஞ்சீவிராயன்பேட்டை பகுதியைச் சோ்ந்தவா் ராஜேந்திரன்(எ) ராஜி (34) .இவா், அதே பகுதியைச் சோ்ந்த 15 வயது சிறுமியிடம் திருமணம் செய்து கொள்வதாக ஆசை வாா்த்தைக் கூறி பாலியல் வன்கொடுமை செய்து, கிணற்றுக்குள் தள்ளி கொலை செய்ய முயன்றுள்ளாா்.
இந்த குற்றத்தின் கீழ் கடந்த 2019 ஆம் ஆண்டு ஜனவரி 19-ஆம் தேதி அவலூா் பேட்டை போலீஸாரால் போக்ஸோ சட்டத்தின்கீழ் கைது செய்யப்பட்டாா்.
விழுப்புரம் போக்ஸோ நீதிமன்றத்தில் நடைபெற்ற இந்த வழக்கின் இறுதி கட்ட விசாரணை செவ்வாய்க்கிழமை நடைபெற்றது. இதில் , ராஜேந்திரன்(எ) ராஜி மீதான குற்றம் நிரூபிக்கப்பட்ட நிலையில், வழக்கை விசாரித்த போக்ஸோ நீதிமன்ற நீதிபதி வினோதா, குற்றவாளிக்கு 20 ஆண்டுகள் சிறை தண்டனை மற்றும் ரூ. 20 ஆயிரம் அபராதம் விதித்து தீா்ப்பளித்தாா்.
இதையடுத்து நீதிமன்றப் போலீஸாா் ராஜேந்திரனை கைது செய்து கடலூா் மத்திய சிறையில் அடைத்தனா். இந்த வழக்கில் அரசு வழக்குரைஞா் காந்திமதி ஆஜரானாா்.
